Mukesh Ambani Wealth: ભારત-કેનેડા વચ્ચેની દુશ્મનાવટમાં મુકેશ અંબાણીની સંપતિમાં ઘટાડો, 12માં નંબર પર સરક્યા અંબાણી
ખાસ વાત એ છે કે આ પહેલા મુકેશ અંબાણી માત્ર ફ્રેન્ચ અને અમેરિકન અબજોપતિઓથી પાછળ હતા. હવે તેમાં વધુ એક દેશનું નામ જોડાયું છે. મુકેશ અંબાણી હવે મેક્સિકન અબજોપતિ કાર્લોસ સ્લિમથી પાછળ રહી ગયા છે. ચાલો તમને એ પણ જણાવીએ કે મુકેશ અંબાણીની કુલ સંપત્તિ કેટલી છે અને ગૌતમ અદાણીની સંપત્તિમાં કેટલો ઘટાડો થયો છે.
Business: ભારત અને કેનેડા વચ્ચેની દુશ્મનાવટ ધીમે ધીમે ચરમસીમાએ પહોંચી રહી છે અને શેરબજારનો મૂડ પણ સતત બગડી રહ્યો છે. જેના કારણે દેશના અબજોપતિઓની સંપત્તિમાં ઘટાડો થયો છે. બ્લૂમબર્ગ બિલિયોનેર્સ ઈન્ડેક્સ અનુસાર બુધવારે રિલાયન્સના શેરમાં ઘટાડાને કારણે મુકેશ અંબાણીની (Mukesh Ambani) સંપત્તિમાં 14,700 કરોડ રૂપિયાનો ઘટાડો થયો છે. જેના કારણે તે વિશ્વના 11માં સૌથી અમીર અબજોપતિમાંથી 12માં સૌથી ધનિક અબજોપતિ પર આવી ગયા છે.
ખાસ વાત એ છે કે આ પહેલા મુકેશ અંબાણી માત્ર ફ્રેન્ચ અને અમેરિકન અબજોપતિઓથી પાછળ હતા. હવે તેમાં વધુ એક દેશનું નામ જોડાયું છે. મુકેશ અંબાણી હવે મેક્સિકન અબજોપતિ કાર્લોસ સ્લિમથી પાછળ રહી ગયા છે. ચાલો તમને એ પણ જણાવીએ કે મુકેશ અંબાણીની કુલ સંપત્તિ કેટલી છે અને ગૌતમ અદાણીની સંપત્તિમાં કેટલો ઘટાડો થયો છે.
આ પણ વાંચો: આનંદ મહિન્દ્રાએ કેનેડાને આપ્યો મોટો ઝટકો, કંપની કરી બંધ
મુકેશ અંબાણીની સંપત્તિમાં 14,700 કરોડ રૂપિયાનો ઘટાડો
બ્લૂમબર્ગ બિલિયોનેર્સ ઈન્ડેક્સના ડેટા અનુસાર બુધવારે મુકેશ અંબાણીની સંપત્તિમાં 1.77 અબજ ડોલર એટલે કે 14700 કરોડ રૂપિયાનો ઘટાડો જોવા મળ્યો છે. હકીકતમાં બુધવારે કંપનીના શેરમાં 2 ટકાથી વધુનો ઘટાડો જોવા મળ્યો હતો. જેની અસર તેમની સંપત્તિમાં જોવા મળે છે. હાલમાં તેમની કુલ સંપત્તિ 89.2 બિલિયન ડોલર થઈ ગઈ છે. જો કે આ વર્ષે તે પોતાની સંપત્તિ વધારવાની બાબતમાં સકારાત્મક છે. આ વર્ષે તેમની કુલ સંપત્તિમાં $2.13 બિલિયનનો વધારો જોવા મળ્યો છે.
મુકેશ અંબાણી મેક્સિકન અબજોપતિથી પાછળ
મુકેશ અંબાણીને માત્ર સંપત્તિના મામલે જ નુકસાન થયું નથી. હકીકતમાં તે રેન્કિંગમાં પણ એક સ્થાન નીચે આવી ગયો છે. બ્લૂમબર્ગના રેકોર્ડ મુજબ મુકેશ અંબાણી 11માં સ્થાનેથી 12માં સ્થાને આવી ગયા છે. તેમને મેક્સિકન અબજોપતિ કાર્લોસ સ્લિમે પાછળ છોડી દીધા છે. જેમની કુલ સંપત્તિ 91.4 અબજ ડોલર થઈ ગઈ છે.
આજે કાર્લોસ સ્લિમની સંપત્તિમાં 154 મિલિયન ડોલરનો વધારો થયો છે. જ્યારે આ કાર્લોસ સ્લિમની સંપત્તિમાં 17 અબજ ડોલરથી વધુનો વધારો જોવા મળ્યો છે. અબજોપતિઓની દુનિયામાં મુકેશ અંબાણી એટલે કે ભારત ફ્રાન્સ અને અમેરિકન અબજોપતિઓથી પાછળ હતું, હવે આ યાદીમાં મેક્સિકો પણ જોડાઈ ગયું છે.
ગૌતમ અદાણીની સંપત્તિમાં પણ ઘટાડો
એશિયાના બીજા સૌથી ધનિક ઉદ્યોગપતિ ગૌતમ અદાણીની સંપત્તિમાં પણ ઘટાડો નોંધાયો છે. આંકડાઓ અનુસાર ગૌતમ અદાણીની સંપત્તિ વધીને લગભગ 3900 કરોડ રૂપિયા થઈ ગઈ છે. જે બાદ તેમની કુલ સંપત્તિ 64.7 અબજ ડોલર રહી છે. જો કે આ વર્ષે તેમની સંપત્તિમાં 55.8 અબજ ડોલરનો ઘટાડો થયો છે. તે પછી પણ તે વિશ્વના ટોચના 20 સૌથી અમીર અબજોપતિઓમાં સામેલ છે.
