Aadhaar ખોવાઈ ગયું છે? ચિંતા ન કરશો , આ સરળ સ્ટેપ્સથી મેળવી શકશો ડુપ્લીકેટ કોપી

સરકારી યોજનાઓનો લાભ લેવાથી માંડીને બેંકિંગ સંબંધિત વસ્તુઓ સુધી આધારકાર્ડની જરૂરિયાત હંમેશાં રહે છે. વ્યક્તિની ઓળખ માટે મહત્વનું દસ્તાવેજ છે પરંતુ જો તમારું અસલ આધારકાર્ડ ખોવાઈ ગયું છે અને તમે તેને લઇને ચિંતિત છો, તો ટેન્શન ન લો કારણ કે કેટલીક કાર્યવાહી પૂર્ણ કરીને તમે તમારા આધારની ડુપ્લિકેટ નકલ ભારતીય યુનિક આઇડેન્ટિફિકેશન ઓથોરિટી ઓફ ઈન્ડિયા (UIDAI) ની સત્તાવાર વેબસાઇટ પરથી મેળવી શકો છો.

ઘરે બેઠા બેઠા કેવી રીતે આધાર મેળવવો
આધારકાર્ડની નવી નકલ મેળવવા માટે તમારે UIDAIના સત્તાવાર પોર્ટલ પર લોગીન કરવું પડશે. અહીં, તમારે Get Aadhaar વિભાગ પર ક્લિક કરવું પડશે. આમ કરવાથી એક નવું પેજ ખુલશે. હવે તમારો આધાર નંબર (UID), નોંધણી નંબર (EID) અથવા વર્ચુઅલ નંબર (VID) ની માહિતી ભરો. આ પછી કેપ્ચા કોડ દાખલ કરો અને Send OTP વિકલ્પ પર ક્લિક કરો. આ કર્યા પછી, વન ટાઇમ પાસવર્ડ એટલે કે તમારા રજિસ્ટર્ડ મોબાઈલ પર ઓટીપી આવશે. હવે આ 6 અંકનો ઓટીપી ભરો. આ કર્યા પછી, એક પૃષ્ઠ ખુલશે જેમાં તમને કેટલાક પ્રશ્નો પૂછવામાં આવશે, જેના જવાબ તમારે ભરવા પડશે. હવે Verify And Download નો વિકલ્પ જોવા મળશે, તેના પર ક્લિક કરો. જો તમારી વિનંતી યુઆઈડીએઆઈ દ્વારા એક્સેપટ થશે તો તેની ડિજિટલ કોપિ થોડા સમયમાં મળશે જેને તમે ઓનલાઇન ડાઉનલોડ કરી શકો છો.

રિપ્રિન્ટની સુવિધા મળશે
જો તમે આધારની હાર્ડકોપીને રી – પ્રિન્ટ કરવા માંગો છો તો પછી આ સુવિધા પણ UIDAI દ્વારા પણ પ્રદાન કરવામાં આવી રહી છે. આ માટે તમારે www.uidai.gov.in પર જવું પડશે અને My Aadhar વિભાગ પર જવું પડશે. અહીં આપેલા ‘ઓર્ડર આધાર રિપ્રિન્ટ’ વિકલ્પ પર ક્લિક કરો. આ એક નવું પૃષ્ઠ ખોલશે. તમારો આધાર નંબર અથવા VID અને સુરક્ષા કોડ અહીં દાખલ કરો. જો તમારો મોબાઇલ નંબર રજિસ્ટર થયેલ છે તો મોકલો ઓટીપી પર ક્લિક કરો. જો મોબાઈલ નંબર રજિસ્ટર થયેલ નથી, તો બિન નોંધાયેલા મોબાઇલ નંબરના બોક્સમાં ક્લિક કરો અને મોબાઇલ નંબર દાખલ કરો. આ પછી Send OTPપર ક્લિક કરો. આ કર્યા પછી ઓટીપી મળશે જે ભરો અને નિયમો અને શરતોમાં Agree પર ક્લિક કરો. આગળ આધાર રિપ્રિન્ટનો પ્રિવ્યુ મળશે. ચકાસીને તમે જોઈ શકો છો કે આધારમાં કોઈ ભૂલ છે કે નહીં. જો બધી માહિતી સાચી હોય તો તમે તેને રી પ્રિન્ટ પર ક્લિક કરી શકો છો. જો કે નોંધાયેલ ન હોય તેવા મોબાઇલ નંબર વાળા લોકો માટે પ્રિવ્યુ ઉપલબ્ધ થતા નથી.

ડિલિવરી 15 દિવસમાં થશે
રી પ્રિન્ટના વિકલ્પને ચકાસીને તમે તમારા ઘરના સરનામે આધારની હાર્ડ કોપી મેળવી શકો છો. આ માટે તમારે સરકારે નક્કી કરેલી ફી ચૂકવવી પડશે. તેની રકમ લગભગ 50 રૂપિયા છે. તમે આ ચુકવણી ક્રેડિટ કાર્ડ / ડેબિટ કાર્ડ / યુપીઆઈ અથવા નેટબેંકિંગની મદદથી કરી શકો છો. આ કર્યા પછી યુઆઈડીએઆઈ દ્વારા તમારું રી પ્રિન્ટ કરેલું આધાર કાર્ડ સ્પીડ પોસ્ટ દ્વારા તમારા સરનામાં પર મોકલવામાં આવશે. આ પ્રક્રિયામાં લગભગ 15 દિવસનો સમય લાગે છે.