AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

EPFO Pension Hike: શું લઘુત્તમ પેન્શન ₹1,000થી વધીને ₹3,000 થશે? લાખો પેન્શનરોને મળી શકે છે રાહત

EPFO દ્વારા EPS હેઠળ લઘુત્તમ માસિક પેન્શન વધારવા અંગે મહત્વના સમાચાર છે. હાલના ₹1,000 થી વધારીને ₹3,000 કરવાની શક્યતા છે, જેની 19 નવેમ્બર, 2026 ના રોજ યોજાનારી CBT બેઠકમાં ચર્ચા થશે.

EPFO Pension Hike: શું લઘુત્તમ પેન્શન ₹1,000થી વધીને ₹3,000 થશે? લાખો પેન્શનરોને મળી શકે છે રાહત
| Updated on: Nov 17, 2026 | 7:58 PM
Share

નિવૃત્તિ બાદ મળતા માસિક પેન્શનમાં વધારાની રાહ જોઈ રહેલા લાખો લોકો માટે મહત્વના સમાચાર સામે આવ્યા છે. કર્મચારી ભવિષ્ય નિધિ સંગઠન (EPFO) દ્વારા કર્મચારી પેન્શન યોજના (EPS) હેઠળ લઘુત્તમ માસિક પેન્શન વધારવા અંગે વિચારણા કરવામાં આવે તેવી શક્યતા છે. અહેવાલો અનુસાર, 19 નવેમ્બર, 2026ના રોજ યોજાનારી EPFOની 24મી સેન્ટ્રલ બોર્ડ ઓફ ટ્રસ્ટીઝ (CBT)ની બેઠકમાં આ મુદ્દે ચર્ચા થઈ શકે છે. હાલમાં પાત્ર પેન્શનરોને દર મહિને લઘુત્તમ ₹1,000 પેન્શન આપવામાં આવે છે. હવે આ રકમ વધારીને ₹3,000 કરવાની ચર્ચા ચાલી રહી છે. જોકે, આ અંગે હજુ સુધી કોઈ સત્તાવાર નિર્ણય જાહેર કરવામાં આવ્યો નથી.

શું લઘુત્તમ પેન્શન ₹1,000થી વધીને ₹3,000 થશે?

હાલમાં EPS હેઠળ પાત્રતા ધરાવતા પેન્શનરોને દર મહિને ઓછામાં ઓછા ₹1,000 પેન્શન મળે છે. લાંબા સમયથી આ રકમમાં વધારો કરવાની માંગ કરવામાં આવી રહી છે. હવે લઘુત્તમ પેન્શન ₹3,000 કરવાની સંભાવનાને લઈને ફરી ચર્ચા શરૂ થઈ છે. જો સરકાર આ પ્રસ્તાવને મંજૂરી આપે છે, તો સૌથી ઓછું પેન્શન મેળવતા નિવૃત્ત કર્મચારીઓને આર્થિક રાહત મળી શકે છે.

સંભવિત વધારાની ગણતરી મુજબ, હાલનું લઘુત્તમ માસિક પેન્શન ₹1,000 છે, જ્યારે સૂચિત પેન્શન ₹3,000 થઈ શકે છે. એટલે કે પેન્શનરોને દર મહિને ₹2,000નો વધારો મળી શકે છે. આ પ્રમાણે વાર્ષિક પેન્શનમાં ₹24,000નો વધારો થાય. જોકે, આ આંકડા પ્રસ્તાવિત વધારાના આધારે કરવામાં આવેલી ગણતરી છે. અંતિમ રકમ સરકારના સત્તાવાર નિર્ણય બાદ જ સ્પષ્ટ થશે.

2014થી લઘુત્તમ પેન્શનમાં કોઈ વધારો નહીં

કર્મચારી પેન્શન યોજના (EPS-95) હેઠળ લઘુત્તમ પેન્શન વધારીને ₹1,000 કરવાનો નિર્ણય વર્ષ 2014માં લેવામાં આવ્યો હતો. ફેબ્રુઆરી 2014માં આ અંગેનો પ્રસ્તાવ મંજૂર થયો હતો. ત્યારબાદ કેન્દ્રીય બજેટ 2014-15માં તેની જાહેરાત કરવામાં આવી અને ઓગસ્ટ 2014માં સરકારે આ અંગેનું નોટિફિકેશન બહાર પાડ્યું હતું. સપ્ટેમ્બર 2014થી આ વ્યવસ્થા અમલમાં આવી હતી.

જોકે, ત્યારથી અત્યાર સુધી લઘુત્તમ માસિક પેન્શનની રકમમાં કોઈ ફેરફાર કરવામાં આવ્યો નથી. આ જ કારણસર પેન્શનરો અને કર્મચારી સંગઠનો લાંબા સમયથી પેન્શન વધારવાની માંગ કરી રહ્યાં છે. કેટલીક પેન્શનર સંસ્થાઓએ લઘુત્તમ માસિક પેન્શન ₹7,500 કરવાની સાથે મોંઘવારી ભથ્થું (DA) આપવાની પણ માંગ ઉઠાવી છે.

EPFOની નવી સુવિધા: હવે WhatsApp પર મળશે PFની માહિતી

બીજી તરફ, EPFO દ્વારા સભ્યોની સુવિધા માટે WhatsApp આધારિત સેવા પણ ઉપલબ્ધ કરાવવામાં આવી છે. આ સુવિધા દ્વારા કર્મચારીઓ પોતાના PF ખાતા સંબંધિત કેટલીક મહત્વપૂર્ણ માહિતી સરળતાથી મેળવી શકે છે. તેના માટે EPFOના સત્તાવાર WhatsApp નંબર +91 8796441800 પર ‘Hi’ મેસેજ મોકલવાનો રહેશે.

આ સેવા દ્વારા સભ્યો PF બેલેન્સ ચેક કરી શકે છે, છેલ્લા પાંચ વ્યવહારોની વિગતો મેળવી શકે છે અને પોતાની EPF પાસબુક ડાઉનલોડ કરવાની સુવિધાનો લાભ લઈ શકે છે. આથી PF સંબંધિત માહિતી મેળવવા માટે દરેક વખતે ઓફિસની મુલાકાત લેવાની જરૂરિયાત ઘટી શકે છે.

હાલમાં પેન્શન વધારાનો પ્રસ્તાવ ચર્ચામાં છે, સત્તાવાર મંજૂરી મળી નથી. તેથી પેન્શનરો માટે અંતિમ નિર્ણયની રાહ જોવી જરૂરી છે. 19 નવેમ્બરની બેઠકમાં આ મુદ્દે શું નિર્ણય લેવામાં આવે છે તેના પર લાખો પેન્શનરોની નજર રહેશે.

કોણ બનાવશે ભારતનું આગામી લડાકુ વિમાન? ટાટા સહિત 3 મોટી કોમ્પનીઓ રેસમાં

Follow Us
g clip-path="url(#clip0_868_265)">