સરકારી વીમા કંપની એલઆઈસી (LIC)ના આઈપીઓને (IPO) ભલે ઘણી હાઈપ મળી હોય, પરંતુ તેનું પ્રદર્શન ખાસ નહોતું. પહેલા કંપનીના શેર ડિસ્કાઉન્ટ પર લિસ્ટ થયા હતા, પછી તેની કિંમત સતત ઘટી રહી હતી, જેના કારણે રોકાણકારોને ઘણી નિરાશા થઈ હતી. હવે LICના આવા રોકાણકારો માટે સારા સમાચાર છે. કંપની આ મહિને તેનું પ્રથમ ત્રિમાસિક પરિણામ (LIC Result) જાહેર કરવા જઈ રહી છે અને તેમાં રોકાણકારો માટે ડિવિડન્ડ (LIC Dividend) પણ જાહેર કરવામાં આવનાર છે.
LIC એ BSE ને જણાવ્યું કે તે 30 મે ના રોજ તેના પ્રથમ ત્રિમાસિક પરિણામો જાહેર કરશે. તેણે કહ્યું કે તે 30 મેના રોજ માર્ચ ક્વાર્ટરના ઓડિટેડ નાણાકીય પરિણામો પર વિચારણા કરશે અને મંજૂર કરશે. આ સિવાય જો રોકાણકારો દ્વારા કોઈ ડિવિડન્ડ ચૂકવવાનું હોય તો તે પણ 30 મેના રોજ મંજૂર કરવામાં આવશે.
મંગળવારે, દિવસના ટ્રેડિંગમાં BSE પર LICનો શેર 1.59 ટકાના વધારા સાથે રૂ. 829.85 પર ટ્રેડ કરી રહ્યો હતો. તે હજુ પણ ઇશ્યુ પ્રાઇસ કરતા 12.55 ટકા નીચો છે. LIC IPO માટે પ્રાઇસ બેન્ડ 902-949 રૂપિયા નક્કી કરવામાં આવી હતી. કંપનીનો સ્ટોક લગભગ 9 ટકાના ડિસ્કાઉન્ટ સાથે માર્કેટમાં લિસ્ટ થયો હતો. LICના IPOનું કદ રૂ. 20,557 કરોડ હતું અને તે 2.95 ગણું સબસ્ક્રાઇબ થયો હતો. હાલમાં કંપનીનું માર્કેટકેપ રૂ 5,24,626.93 કરોડ છે.
વિશ્લેષકો જણાવી રહ્યા છે કે શેરના ભાવ ઘટ્યા પછી પણ LICના રોકાણકારોને ફાયદો થઈ શકે છે. ગયા વર્ષે પણ કંપનીએ ડિવિડન્ડ આપ્યું ન હતું. સરકાર એલઆઈસીના 25 ટકા શેર વેચવાની યોજના ધરાવે છે અને આઈપીઓમાંથી માત્ર 3.5 ટકા હિસ્સો વેચી શકે છે, તેથી સરકાર આગામી સમયમાં એફપીઓ લાવી શકે છે. સરકાર આવનારા સમયમાં એફપીઓ (LIC FPO) લાવી શકે છે. એફપીઓ ઈન્વેસ્ટર્સ હાથો- હાથ લે એ માટે આઇપીઓમાં નાણા લગાવનાર નફામાં હોવા જરૂરી છે. આ માટે એવી અપેક્ષા છે કે એલઆઇસીના ઇન્વેસ્ટરને બંપર ડિવિડંન્ડ મળી શકે છે.