શું તમે વીમા પોલિસી લીધી છે ? આ નિયમો 1 એપ્રિલથી બની જશે ફરજિયાત
જો તમે કોઈપણ પ્રકારની વીમા પોલિસી લીધી હોય, જેમ કે સ્વાસ્થ્ય અથવા જીવન વીમા પોલિસી, તો તમારે આ નવો નિયમ જાણવો જોઈએ. વીમા બજારનું નિયમન કરતી 'IRDA'એ નવો નિયમ બનાવ્યો છે, જે હવે 1 એપ્રિલથી અમલમાં આવશે.
વીમો લેવો એ હંમેશા સલામત અને સારો નાણાકીય નિર્ણય માનવામાં આવે છે. ભારતમાં આ બજાર IRDA દ્વારા નિયંત્રિત થાય છે, તેથી તમારે તેમાં સમયાંતરે થતા ફેરફારો પર નજર રાખવી જોઈએ. જેમ કે આ નિયમ 1 એપ્રિલ, 2024થી લાગુ થવા જઈ રહ્યો છે, જે હવે તમામ નવી પોલિસી ધારકો માટે ફરજિયાત હશે.
IRDA એ થોડા દિવસો પહેલા એક નવું નોટિફિકેશન બહાર પાડ્યું છે. જે મુજબ હવેથી જે પણ નવી વીમા પોલિસી જાહેર કરવામાં આવશે તેને પોલિસી ધારકોએ ફરજિયાતપણે પોતાની પાસે ઇલેક્ટ્રોનિક એટલે કે ડીમેટ ફોર્મમાં રાખવાની રહેશે. વીમા કંપની તેને બંને પ્રકારના ઇ-ઇન્શ્યોરન્સ ફોર્મમાં પણ જાહેર કરશે, જો કે ગ્રાહક પાસે ફિઝિકલ પોલિસી મેળવવાનો વિકલ્પ રહેશે. ઇ-ઇન્શ્યોરન્સ પોલિસી એ જ રીતે જાળવી શકાય છે જે રીતે લોકો તેમના શેરને જાળવી રાખે છે.
કંપનીઓએ આ વ્યવસ્થા કરવી પડશે
ઇ-ઇન્શ્યોરન્સ પોલિસી ડીમેટ સ્વરૂપમાં ઉપલબ્ધ કરાવવા માટે દરેક વીમા કંપનીએ માન્ય પોલિસી જાહેર કરવી પડશે. IRDAI એ પણ કહ્યું છે કે વીમા કંપનીઓ વીમા માટેની અરજી ગમે તે સ્વરૂપમાં મેળવે છે, જેમ કે ઓનલાઇન અથવા ઓફલાઇન, વીમા કંપનીઓએ ઇલેક્ટ્રોનિક ફોર્મેટમાં પોલિસી જાહેર કરવી પડશે.
આ નિયમ 1 એપ્રિલ 2024થી ફરજિયાત થઈ જશે. આ માટે વીમા કંપનીઓએ ફરજિયાતપણે ઈ-પોલીસી સાથે ફિઝિકલ ડોક્યુમેન્ટનો વિકલ્પ આપવો પડશે.
ઈ-પોલીસીથી તમને કેવી રીતે ફાયદો થશે?
ઈ-ઈન્શ્યોરન્સ પોલિસી મેન્ટેઈન કરવા માટે તમારું ઈ-વીમા ખાતું પણ ખોલવામાં આવશે. આનાથી તમને ઘણા ફાયદા થશે. પ્રથમ તમારે તમારા પોલિસી દસ્તાવેજોને લાંબા સમય સુધી સાચવવાની જરૂર રહેશે નહીં. આનાથી કાગળની કામગીરીનો બોજ અને ઝંઝટ પણ ઓછી થશે.
એટલું જ નહીં, ઓનલાઈન ઈન્સ્યોરન્સ લેવા છતાં ગ્રાહકોએ હજુ પણ તેમની અલગ-અલગ પોલિસી સાચવવી પડશે, જેને હવે ઈ-ઈન્શ્યોરન્સ એકાઉન્ટમાં એક જ જગ્યાએ રાખી શકાશે. આ ખાતું વીમા કંપનીઓ અને પોલિસી ધારકો બંને વચ્ચે સેતુનું કામ કરશે.
જો તમે આ ખાતામાં તમારી કોઈપણ વ્યક્તિગત માહિતી બદલો છો, તો તે તમારી વીમા પોલિસીમાં પણ આપમેળે અપડેટ થઈ જશે. ઈ-ઈન્શ્યોરન્સ ખાતું ખોલવું ખૂબ જ સરળ હશે અને તે ફ્રી પણ હશે.
Latest News Updates
