GOLD : કોરોનના કારણે ફરી સર્જાયેલી અનિશ્ચિતતાઓ વચ્ચે Gold ETF માં રોકાણ વધ્યું

સ્થાનિક બજાર સોનાના ભાવમાં (Gold Rate Today) વધ-ઘટ થઇ રહી છે જોકે વાયદા બજારમાં સોના-ચાંદીના ભાવમાં ગઈકાલે સારી તેજી જોવા મળી રહી છે. નિષ્ણાંતોના જણાવ્યા અનુસાર આંતરરાષ્ટ્રીય બજારમાં સોનાના ભાવમાં નબળાઇની અસર સ્થાનિક બજાર પર પડી શકે છે. દેશમાં ફરી કોરોના સંક્રમણ વધી રહ્યું છે અને અનિશ્ચિતતાઓ વચ્ચે રોકાણકારોએ સોનામાં રોકાણ તરફ ઝુકાવ દેખાડ્યો છે.

વધતા કોરોના જોખમ સ્થાનિક લોકડાઉન અને નાઇટ કર્ફ્યુ વચ્ચે રોકાણકારોનો આત્મવિશ્વાસ ડગમગી રહ્યો છે. આ કારણે તેઓ ફરીથી સોનાના સુરક્ષિત રોકાણ તરફ આગળ વધી રહ્યા છે. ગયા નાણાકીય વર્ષ 2020-21માં રોકાણકારોએ ગોલ્ડ એક્સચેંજ ટ્રેડેડ ફંડ્સ (Gold ETF) માં 6,900 કરોડનું રોકાણ કર્યું હતું. આ સતત બીજું વર્ષ છે જયારે ગોલ્ડ ઇટીએફમાં વધુ રોકાણ કરવામાં આવ્યું છે.

બે દિવસના ઘટાડા પછી મંગળવારે ભારતીય બજારોમાં સોના-ચાંદીના ભાવમાં વધારો થયો છે. મંગળવારે જૂન ફ્યુચર્સ ગોલ્ડ મલ્ટિ કોમોડિટી એક્સચેંજ (MCX ) પર સારી સ્થિતિમાં કારોબાર કર્યો હતો.  યુએસ બોન્ડ યીલ્ડના વધારાને પગલે સોના છેલ્લા કેટલાક દિવસોથી સંઘર્ષ કરી રહ્યા છે. MCX એ 47,033.00 સુધી ઉપલું સ્તર નોંધાવ્યું હતું.

એક નજર મલ્ટિ કોમોડિટી એક્સચેંજની છેલ્લી સ્થિતિ ઉપર
MCX GOLD 46964.00 +545.00 (1.17%)

ગુજરાતમાં સોનાનો છેલ્લો ભાવ આ મુજબ છે
AHMEDABAD 999 – 48335
RAJKOT 999           – 48350
(સોર્સ આરવ બુલિયન)