Changes from 1 November : આ 5 બાબતોની તાત્કાલિક મેળવી લો સંપૂર્ણ જાણકારી નહીંતર 1 Nov. સોમવારથી માહિતીનો અભાવ તમારી મુશ્કેલીઓ વધારશે

Changes from 1 november : ઓક્ટોબર મહિનો (ઓક્ટોબર 2021) આજે પૂરો થઈ રહ્યો છે. સોમવારથી નવેમ્બર મહિનો શરૂ થશે. આ સમય દરમિયાન ઘણા ફેરફારો થશે જેની સીધી અસર તમારા જીવન પર પડશે. પહેલી તારીખ એટલે કે 1લી નવેમ્બર 2021થી દેશભરમાંઘણા મોટા ફેરફારો થવાના છે. આ ફેરફારોની સીધી અસર તમારા ખિસ્સા અને જીવન પર પડશે તેથી અગાઉથી નિયમો જાણવા જરૂરી છે.

1 નવેમ્બરથી બેંકોમાં પૈસા જમા કરાવવા અને ઉપાડવા પર ચાર્જ લાગશે. રેલવેના સમયપત્રકમાં પણ ફેરફાર થશે. સાથે જ ગેસ સિલિન્ડર બુક કરાવવાના નિયમોમાં પણ મોટો ફેરફાર થવા જઈ રહ્યો છે. 1લી નવેમ્બરથી બદલાવા જઈ રહેલી કેટલીક બાબતો પર એક નજર કરીએ.

1. એલપીજી સિલિન્ડરની નવી કિંમત જાહેર થશે
એલપીજી સિલિન્ડરની કિંમતો 1 નવેમ્બરથી બદલાઈ શકે છે. માહિતી છે કે એલપીજીના ભાવમાં વધારો થઈ શકે છે. મીડિયા રિપોર્ટ્સ અનુસાર એલપીજીના વેચાણ પર થતા નુકસાનને જોતા સરકાર ફરી એકવાર એલપીજી સિલિન્ડરની કિંમતોમાં વધારો કરી શકે છે.

2. બેંકિંગ નિયમોમાં ફેરફાર થશે
હવે બેંકોને પૈસા જમા કરાવવા અને ઉપાડવા માટે ચાર્જ આપવો પડશે. બેંક ઓફ બરોડા (BoB) એ તેની શરૂઆત કરી છે. આગામી મહિનાથી નિર્ધારિત મર્યાદાથી વધુ બેંકિંગ માટે અલગ ચાર્જ લાગશે. 1 નવેમ્બરથી ગ્રાહકોએ રૂ 150 લોન ખાતા માટે ચૂકવવા પડશે. ખાતાધારકો માટે ત્રણ વખત સુધીની થાપણો જમા કરવવી નિઃશુલ્ક રહશે પરંતુ જો ગ્રાહકો ચોથી વખત નાણાં જમા કરાવે છે તો તેમણે રૂ40 ચૂકવવા પડશે. બીજી તરફ જનધન ખાતાધારકોને આમાં થોડી રાહત મળી છે તેઓએ જમા કરાવવા પર કોઈ ફી ચૂકવવાની રહેશે નહીં પરંતુ ઉપાડ પર 100 રૂપિયા ચાર્જ લાગશે.

3. ટ્રેનોનું ટાઈમ ટેબલ બદલાશે
ભારતીય રેલ્વે દેશભરની ટ્રેનોના સમયપત્રકમાં ફેરફાર કરવા જઈ રહી છે. અગાઉ 1 ઓક્ટોબરથી ટ્રેનોના સમયપત્રકમાં ફેરફાર થવાનો હતો પરંતુ કેટલાક કારણોસર 31 ઓક્ટોબરની તારીખ નક્કી કરવામાં આવી છે. નવું સમયપત્રક હવે 1 નવેમ્બરથી લાગુ કરવામાં આવશે. આ પછી 13 હજાર મુસાફરો ટ્રેનોના સમય અને 7 હજાર માલગાડીના સમયમાં ફેરફાર કરશે. દેશમાં દોડતી લગભગ 30 રાજધાની ટ્રેનોના સમયમાં પણ 1 નવેમ્બરથી ફેરફાર થશે.

4. ગેસ સિલિન્ડરના બુકિંગ માટે OTP આવશ્યક
1 નવેમ્બરથી એલપીજી સિલિન્ડરની ડિલિવરીની સમગ્ર પ્રક્રિયા બદલાવા જઈ રહી છે. ગેસ બુકિંગ બાદ ગ્રાહકના મોબાઈલ નંબર પર એક OTP મોકલવામાં આવશે. જ્યારે સિલિન્ડર ડિલિવરી માટે આવે ત્યારે તમારે આ OTP ડિલિવરી બોય સાથે શેર કરવાનો રહેશે. એકવાર આ કોડ સિસ્ટમ સાથે મેચ થઈ જાય પછીજ ગ્રાહકને સિલિન્ડરની ડિલિવરી પ્રાપ્ત થશે.

5. આ ફોનમાં Whatsapp બંધ થઈ જશે
1 નવેમ્બરથી, WhatsApp કેટલાક iPhones અને Android ફોન્સ પર 1 નવેમ્બરથી કામ કરવાનું બંધ કરી દેશે. 1 નવેમ્બરથી Facebookનું માલિકીનું આ પ્લેટફોર્મ Android 4.0.3 Ice Cream Sandwich, iOS 9 અને KaiOS 2.5.0 ને સપોર્ટ કરશે નહીં.

આ પણ વાંચો : Petrol-Diesel Price Today : આજે પણ મોંઘુ થયું તમારા વાહનનું ઇંધણ, જાણો તમારા શહેરમાં 1 લીટર પેટ્રોલ – ડીઝલ પાછળ કેટલો ખર્ચ કરવો પડશે

આ પણ વાંચો : World Savings Day: શા માટે મનાવવામાં આવે છે વિશ્વ બચત દિવસ? આજના સમયમાં રોકાણ માટે ઉપલબ્ધ છે આ વિકલ્પો