મોટા સમાચાર, 10 જાન્યુઆરીથી એક લાખને બદલે આટલા લાખનું કરી શકાશે UPI પેમેન્ટ
ઓનલાઈન પેમેન્ટ કરનારાઓને કેન્દ્ર સરકારે નવા વર્ષમાં મોટી ભેટ આપી છે. અત્યાર સુધી માત્ર એક લાખ સુધીની રકમનું જ ઓનલાઈન પેમેન્ટ કરી શકાતુ હતું. પરંતુ આગામી 10મી જાન્યુઆરીથી ઓનલાઈન પેમેન્ટ કરવાની મર્યાદા વધારવામાં આવી છે. રિઝર્વ બેંક ઓફ ઈન્ડિયાના સહયોગથી નેશનલ પેમેન્ટ કોર્પોરેશન ઓફ ઈન્ડિયાએ તેમના વપરાશકર્તાઓ માટે આ સુવિધા ઉપલબ્ધ કરાવી છે.
ઓનલાઈન પેમેન્ટ કરનારાઓને કેન્દ્ર સરકારે નવા વર્ષમાં મોટી ભેટ આપી છે. આજકાલ ઓનલાઈન પેમેન્ટનો વ્યાપક ઉપયોગ કરવામાં આવી રહ્યો છે. પરંતુ ઓનલાઈન પેમેન્ટ કરવામાં મોટી સમસ્યા નિર્ધારિત રમકની મર્યાદા હતી. એટલે કે સરકારે એક દિવસમાં 1 લાખ રૂપિયાથી વધુના વ્યવહારો ઓનલાઈન કરવા પર પ્રતિબંધ મૂક્યો હતો. જો કે, હવે નેશનલ પેમેન્ટ કોર્પોરેશન ઓફ ઈન્ડિયા એટલે કે એનસીપીઆઈ એ રિઝર્વ બેંક ઓફ ઈન્ડિયાના સહયોગથી એટલે કે આરબીઆઈએ આ સમસ્યાનો ઉકેલ શોધી કાઢ્યો છે. જેના પછી એક સમયે 5 લાખ રૂપિયાની યુપીઆઈ ચુકવણી કરી શકાય છે. જો કે, તેની કેટલીક શરતો છે, જે તમામ વપરાશકર્તાઓને જાણવી જોઈએ.
મર્યાદા 1 લાખથી વધારીને 5 લાખ કરવામાં આવી
નેશનલ પેમેન્ટ કોર્પોરેશન ઓફ ઈન્ડિયાએ હોસ્પિટલો અને શૈક્ષણિક સંસ્થાઓ જેવી આવશ્યક સંસ્થાઓની ચુકવણી માટે એક સમયે 5 લાખ રૂપિયાની ઑનલાઇન ચુકવણીમાં છૂટછાટ આપી છે. આ નવો નિયમ આગામી 10 જાન્યુઆરીથી લાગુ થશે. આ પછી, વપરાશકર્તાઓ તમામ શૈક્ષણિક સંસ્થાઓ અને હોસ્પિટલોના બિલ ચૂકવવા માટે એક સમયે મહત્તમ 5 લાખ રૂપિયા ચૂકવી શકશે. આ માટે એનસીપીઆઈ દ્વારા બેંકો અને પેમેન્ટ સર્વિસ પ્રોવાઈડર્સને એડવાઈઝરી જાહેર કરવામાં આવી છે.
ચુકવણી મર્યાદા વધી
એનસીપીઆઈ દ્વારા વેરિફાઇડ વેપારીઓ માટે રુપિયા 1 લાખથી રુપિયા 5 લાખની ચુકવણી મર્યાદા લાગુ કરવામાં આવશે. વેપારીએ વધેલી મર્યાદા સાથે પેમેન્ટ મોડ તરીકે યુપીઆઈને સક્ષમ કરવાની જરૂર પડશે. હાલમાં, નેશનલ પેમેન્ટ્સ કાઉન્સિલ ઓફ ઈન્ડિયા દ્વારા યુપીઆઈ ચૂકવણીની મર્યાદા 1 લાખ રૂપિયા પ્રતિ દિવસ રાખવામાં આવી છે. છેલ્લી નાણાકીય નીતિ સમીક્ષા બેઠકમાં, આરબીઆઈએ 5 લાખ રૂપિયાની ચુકવણી મર્યાદાનો પ્રસ્તાવ મૂક્યો હતો. જેના કારણે Paytm, Google Pay અને PhonePe જેવી પેમેન્ટ એપને ફાયદો થશે.
યુપીઆઈ પેમેન્ટમાં ભારત સૌથી આગળ
જો આપણે યુપીઆઈ ચૂકવણી વિશે વાત કરીએ તો, વર્ષ 2023માં, ભારત યુપીઆઈ ચૂકવણીના સંદર્ભમાં 100 અબજનો આંકડો પાર કરશે. આ આખા વર્ષમાં 118 અબજ રૂપિયાનુ યુપીઆઈ પેમેન્ટ કરવામાં આવ્યુ છે. ગયા વર્ષની સરખામણીમાં યુપીઆઈ પેમેન્ટ કરવામાં 60 ટકાનો વધારો નોંધાયો છે.
Latest News Updates
