પેટ્રોલના વધતા ભાવ પર AMULએ કાર્ટૂન જાહેર કર્યું, ભાવ વધારાનું દર્દ વ્યક્ત કરાયું

ભારતમાં પેટ્રોલ-ડીઝલની કિંમત(Petrol-Diesel Price ) સતત વધી રહી છે. આલમ એ છે કે દેશના કેટલાક રાજ્યોમાં પેટ્રોલ 100 રૂપિયા લિટર પર પહોંચી ગયું છે. તેલના વધતા ભાવ દેશભરમાં ચર્ચાનો વિષય છે. વિપક્ષી પાર્ટીઓ પણ ભાવમાં વધારો કરવા માટે સરકાર પર આકરા પ્રહારો કરી રહ્યા છે. આટલું જ નહીં, સોશ્યલ માઇક્રો બ્લોગિંગ વેબસાઇટ છેલ્લા કેટલાક સમયથી ટ્વિટર પર #PetrolDieselPriceHike #PetrolPriceHike ટ્રેન્ડ કરી રહી છે.

વધતા જતા ભાવો અંગે યુઝર્સ સરકાર અને કેટલીક કંપનીઓ પર ગુસ્સો વ્યક્ત કરી રહ્યા છે. ડેરી કંપની અમૂલ(AMUL), દરેક મુદ્દે કાર્ટૂન દ્વારા સોશીયલ મીડિયા પર પોતાની પ્રતિક્રિયા આપવા માટે પ્રખ્યાત છે. દેશમાં જ્યારે પણ કોઈ મોટી ઘટના બને, તે પછી ભલે તે સારી હોય કે ખરાબ, તેના પર અભિવ્યક્તિનું એક સૌથી માધ્યમ અમુલનું કાર્ટૂન રહ્યું છે. કંપની તેના કાર્ટૂન દ્વારા આપણે શું વિચારે છે તે કહે છે. પરંતુ હજી સુધી અમૂલે ઇંધણના ભાવ વધારાના મુદ્દા પર કટાક્ષ કર્યો ન હતો. કેટલાક યુઝર્સે તો એમ પણ કહ્યું હતું કે આ મુદ્દા પર અમૂલનું કાર્ટૂન ક્યારે આવશે? બસ, સમયની માંગને જોતા અમૂલે ટ્વિટર પર એક કાર્ટૂન પોસ્ટ કર્યું છે.

આ કાર્ટૂનમાં શું છે ..
અમૂલના આ કાર્ટૂનમાં, કંપનીએ #Amul Topical: The steeply rising fuel prices! કહ્યું છે.

વપરાશકર્તાઓ મજેદાર પ્રતિક્રિયા આપી રહ્યા છે
અમુલનું કાર્ટૂન આવતાની સાથે જ ટ્વિટર પર ટિપ્પણીઓ શરૂ થઇ છે. અમૂલની આ પોસ્ટ પર વપરાશકર્તાઓની રમૂજી પ્રતિક્રિયાઓ આવી રહી છે.

સતત મોંઘા થઇ રહ્યા છે પેટ્રોલ-ડીઝલ
પેટ્રોલ અને ડીઝલની કિંમત રેકોર્ડ સ્તરે પહોંચ્યા પછી શુક્રવારે તેલના ભાવમાં સતત 11 મા દિવસે વધારો થયો છે. શુક્રવારે દિલ્હીમાં પેટ્રોલની નવી કિંમત 90.19 રૂપિયા પ્રતિ લિટર પર પહોંચી ગઈ છે અને ડીઝલની કિંમત પ્રતિ લિટર 80.60 રૂપિયા પર પહોંચી ગઈ છે. મધ્યપ્રદેશમાં પેટ્રોલનો ભાવ પ્રતિ લિટર 100 રૂપિયાને પાર કરી ગયો છે. તે જ સમયે, રાજસ્થાનના શ્રીગંગાનગરમાં પેટ્રોલનો ભાવ 100 રૂપિયાને પાર કરી ગયો હતો.