Forbes Billionaires List: એશિયાના અમીર વ્યક્તિઓની યાદીમાં ગૌતમ અદાણી નંબર 1 પોઝિશન પર, મુકેશ અંબાણીને પણ રાખી દીધા પાછળ

અદાણી ગૃપના ચેરમેન ગૌતમ અદાણીની સંપત્તિ વધીને 89.2 અબજ ડૉલર થઈ ગઈ છે. હાલ એશિયાની સૌથી અમીર વ્યક્તિની યાદીમાં અદાણી નંબર વન પોઝિશન પર પહોંચી ગયા છે. ફોર્બ્સની રિયલ ટાઈમ બિલેનિયર્સની યાદીમાં આ જાણકારી આપવામાં આવી છે. અદાણી બાદ રિલાયન્સ ઈન્ડસ્ટ્રીઝ RIL ના ચેરમેન મુકેશ અંબાણી 88 અબજ ડૉલર સાથે નંબર ટુ પોઝિશન પર છે. સોફ્ટ બેંકના માસાયોશી સોન 87 અબજ ડૉલર સાથે ત્રીજા નંબર પર છે.

સોન ગુરુવારે જાપાની નિવેશ ફર્મના શેરોમાં ઘટાડા પહેલા એશિયાના સૌથી અમીર વ્યક્તિની યાદીમાં ટોચ પર હતા. ગૌતમ અદાણીની સંપત્તિનો મુખ્ય સ્ત્રોત અદાણી ગૃપની કંપનીઓની ભાગીદારી છે.

• અદાણી ગૃપની 6 કંપનીઓની વેલ્શુએશ વધી
• અદાણી ગૃપ ની 6 કંપનીઓની માર્કેટ વેલ્યુ લગભગ શુક્રવાર સુધી 191 અબજ ડૉલર હતી
• જેમા અદાણી પાવર 47.2 અબજ ડૉલરના મૂલ્યાંકન સાથે ટોપ પર હતી
• જે બાદ અદાણી ગ્રીન એનર્જીની માર્કેટ વેલ્યુએશન 26.4 અબજ ડૉલર હતી
• અદાણી એનર્જી સોલ્યુશન્સનુ વેલ્યુઓએશન 19.9 અબજ ડૉલર હતુ
• અદાણી ટોટલ ગેસ ની માર્કેટ કેપિટલાઈજેશન 8.8 અબજ ડૉલર હતી.

ઝડપથી વધી રહી છે અદાણીની સંપત્તિ

ફોર્બસની રિપોર્ટ અનુસાર, ગૌતમ અદાણીની સંપત્તિમાં ગત મહિને અમેરિકાના જસ્ટિસ ડિપાર્ટમેન્ટ અદાણી ગૃપ સામે કરવામાં આવેલા છેતરપિંડીના આરોપોને ફગાવ્યા બાદ લગભગ 10 અબજ ડૉલરનો વધારો થયો છે. આ આરોપો સૌર ઉર્જા પુરવઠા કરાર સંબંધિત $250 મિલિયનના વ્યવહારમાં ગ્રુપની સંડોવણીને લગતા હતા; જોકે, અદાણી ગ્રુપે આ દાવાઓનું ખંડન કર્યુ હતુ.

એશિયાના સૌથી ધનાઢ્ય વ્યક્તિ તરીકે અદાણીની ફરી વાપસી થઈ છે. પાછલા વર્ષોમાં તેની કંપનીની માર્કેટ વેલ્યુમાં ઘટાડો નોંધાયો હતો.જે તેમના પર લાગેલા આરોપોને કારણે હતો.

હિંડનબર્ગના આરોપો બાદ થયો હતો ઘટાડો

અમેરિકી શોર્ટ-સેલર હિંડનબર્ગ રિસર્ચે 2023માં અદાણી પર સ્ટૉકમાં હેરફેર અને મોટાપાયે ગરબ઼ડીનો આરોપ લગાવ્યો હતો. જોકે ભારતીય નિયામકોએ ગત વર્ષે આ દાવાઓને આરોપો સિદ્ધ નથી થયા એવુ કહીને ફગાવ્યા હતા. અદાણીને અમેરિકામાં પણ આરોપોનો સામનો કરવો પડ્યો હતો. જેનો હવે નિવેડો આવી ગયો છે.

કાયદાકીય પડકારોનો કરવો પડ્યો સામનો

ગયા મહિને શેરધારકોને લખેલા તેમના વાર્ષિક પત્રમાં, અબજોપતિ ઉદ્યોગપતિએ જણાવ્યું હતું કે અદાણી ગ્રુપે યુએસ કાનૂની પડકારોને પાર કરી લીધા છે. ગ્રુપ ઊર્જા, પરિવહન, લોજિસ્ટિક્સ અને ડિજિટલ ઈન્ફ્રાસ્ટ્રક્ચરમાં રોકાણ વધારી રહ્યું છે, AI-સંચાલિત વૃદ્ધિની વધતી માંગનો લાભ લેવા માટે પોતાને પોઝિશન આપી રહ્યું છે.

તેમણે ગ્રુપની મુખ્ય કંપની, અદાણી એન્ટરપ્રાઇઝ દ્વારા તાજેતરમાં ₹24,930 કરોડના રાઈટ્સ ઈશ્યૂની સફળતાને રોકાણકારોના વિશ્વાસના પ્રતિબિંબ તરીકે ટાંકી. આ સિદ્ધિ એવા સમયે આવી જ્યારે ગ્રુપ શાસન અને નિયમનકારી મુદ્દાઓ અંગે ચકાસણીનો સામનો કરી રહ્યું હતું.

ચાતક નજરે ચોમાસાની રાહ જોતા રાજ્યવાસીઓ માટે રાહતના સમાચાર, 15 જૂને ગુજરાતમાં દસ્તક દેશે મેઘરાજા