વર્ષ 2020માં ગુજરાતની 5 કંપનીઓએ તેમની માર્કેટ કેપમાં 1 અબજ ડોલરથી વધુનો ઉમેરો કર્યો
મજબૂત પ્રદર્શનને પગલે ગુજરાતની પાંચ કંપનીઓએ વર્ષ 2020 માં તેમના માર્કેટ કેપિટલાઇઝેશનમાં એક અબજ ડોલરથી વધુનો ઉમેરો કર્યો છે. આ કંપનીઓમાં અદાણી ગ્રીન એનર્જી લિમિટેડ (AGEL), અદાણી એન્ટરપ્રાઇઝ લિમિટેડ (AEL), કેડિલા હેલ્થકેર લિમિટેડ , ટોરેન્ટ ફાર્માસ્યુટિકલ્સ લિમિટેડ અને એલેમ્બિક ફાર્માસ્યુટિકલ્સ લિમિટેડનો સમાવેશ થાય છે. અદાણી ગ્રીન એનર્જી લિમિટેડ જાન્યુઆરી 1 ના રોજ 174.8 રૂપિયાથી 16 […]
મજબૂત પ્રદર્શનને પગલે ગુજરાતની પાંચ કંપનીઓએ વર્ષ 2020 માં તેમના માર્કેટ કેપિટલાઇઝેશનમાં એક અબજ ડોલરથી વધુનો ઉમેરો કર્યો છે. આ કંપનીઓમાં અદાણી ગ્રીન એનર્જી લિમિટેડ (AGEL), અદાણી એન્ટરપ્રાઇઝ લિમિટેડ (AEL), કેડિલા હેલ્થકેર લિમિટેડ , ટોરેન્ટ ફાર્માસ્યુટિકલ્સ લિમિટેડ અને એલેમ્બિક ફાર્માસ્યુટિકલ્સ લિમિટેડનો સમાવેશ થાય છે.
અદાણી ગ્રીન એનર્જી લિમિટેડ જાન્યુઆરી 1 ના રોજ 174.8 રૂપિયાથી 16 ડિસેમ્બરના રોજ 1,018.4 રૂપિયાના શેરના ભાવમાં 483% ઉછાળો સાથે AGEL આ વર્ષે કુલ 1.31 લાખ કરોડ રૂપિયાની કમાણી કરી છે. કંપનીની માર્કેટ કેપ 1.59 લાખ કરોડ રૂપિયા થઈ ગઈ છે. AEL નો શેર 123% ઉછાળા સાથે રૂ 207.8 થી વધીને રૂ 463.1 સુધી પહોંચ્યો છે. કંપનીની m-cap રૂ 50,938 કરોડ થઈ છે.
કેડિલા હેલ્થકેર લિમિટેડ વર્ષ દરમિયાન રૂ 254.7 થી 84% વધીને રૂ 469.૧ થયો છે, કેડિલા હેલ્થકેર લિમિટેડની માર્કેટ કેપ રૂ 48,029 16 ડિસેમ્બરે નોંધાઈ છે.ટોરેન્ટ ફાર્માસ્યુટિકલ્સ લિમિટેડનું માર્કેટ કેપિટલાઇઝેશન રૂ 15,967 કરોડ વધ્યું છે. શેરનો ભાવ રૂ 1,845.2 થી 51% વધીને રૂ 2,788.75 થયો છે. વડોદરા સ્થિત એલેમ્બિક ફાર્માસ્યુટિકલ્સ લિમિટેડ ના શેરનો ભાવ આ વર્ષે અત્યાર સુધીમાં બમણો થઈ 550.8 થી વધી 1103.4 થયો છે.
કોવિડ -19 પરિસ્થિતિમાં દવાઓની માંગમાં વધારો થયો છે. આ કારણોસર ફાર્માના તમામ શેરમાં ઉછાળો આવ્યો છે. લગભગ ગુજરાત આધારિત ફાર્મા કંપનીઓએ ખૂબ જ મજબૂત વળતર આપ્યું છે. કેડિલા હેલ્થકેર વેક્સીન વિકાસ કાર્યક્રમ ચલાવી રહી છે અને કંપની ભારતમાં ત્રીજા તબક્કાની માનવ અજમાયશ હાથ ધરવાની નજીક છે.વાર્ષિક અંદાજના આધારે એલેમ્બિક ફાર્માનું ચોખ્ખું વેચાણ લગભગ 40% વધ્યું છે આથી શેરના ભાવમાં સારું વળતર મળે છે. ટોરેન્ટ ફાર્માએ 51% વળતર આપ્યું છે કારણ કે EBITAએ માર્જિનમાં 31.5% નો વધારો કર્યો છે જ્યારે Y-O-Y આધારે ચોખ્ખી આવકમાં આશરે ૨.3% નો વધારો થયો છે.