Budget 2022: નિર્મલા સીતારમણ ગ્રીન બજેટ રજૂ કરશે, માર્યાદિત નકલોનું પ્રિન્ટિંગ કરાશે, જાણો કેમ લેવાયો નિર્ણય

નાણામંત્રી નિર્મલા સીતારમણ(FM Nirmala Sitharaman) 1 ફેબ્રુઆરી, 2022 ના રોજ નાણાકીય વર્ષ 2022-23 (Budget 2022 -23)નું બજેટ રજૂ કરવાના છે. દરમિયાન દેશનું બજેટ આ વર્ષે પણ ગ્રીન(green budget) હશે. કોવિડ રોગચાળાને કારણે આ વખતે પણ કર દરખાસ્તો(Tax Proposals) અને એશિયાની ત્રીજી સૌથી મોટી અર્થવ્યવસ્થાના નાણાકીય નિવેદન(Financial Statement)ની રજૂઆત સાથે સંબંધિત મોટી સંખ્યામાં દસ્તાવેજો છાપવામાં આવશે નહીં.

બજેટ દસ્તાવેજો ડિજિટલ હશે

અધિકારીઓએ જણાવ્યું હતું કે બજેટ દસ્તાવેજો મોટાભાગે ડિજિટલી ઉપલબ્ધ હશે. માત્ર થોડી નકલો ફિઝિકલ ઉપલબ્ધ હશે. બજેટ દસ્તાવેજની સેંકડો નકલો છાપવાની પ્રથા છે. સંખ્યાત્મક પ્રક્રિયા એટલી વિગતવાર હતી કે પ્રિન્ટિંગ સ્ટાફને પણ નોર્થ બ્લોકના ભોંયરામાં પ્રિન્ટિંગ પ્રેસની અંદર ઘણા સમય માટે અલગ રાખવું પડ્યું હતું.

કર્મચારીઓને તેમના પરિવારોથી અલગ કરવાનું અને બજેટ દસ્તાવેજો છાપવાનું કામ પરંપરાગત ‘હલવા સેરેમની'(halwa ceremony) સાથે શરૂ કરવામાં આવે છે. આ કાર્યક્રમમાં નાણા મંત્રી, નાણા રાજ્ય મંત્રી અને મંત્રાલયના વરિષ્ઠ અધિકારીઓ હાજર રહે છે. જ્યારથી મોદી સરકાર સત્તામાં આવી છે ત્યારથી બજેટની નકલો છાપવામાં ઘટાડો કરવામાં આવ્યો છે. પત્રકારો અને બહારના વિશ્લેષકોને વહેંચવામાં આવતી નકલો શરૂઆતમાં ઘટાડવામાં આવી હતી અને પછી રોગચાળાને ટાંકીને લોકસભા અને રાજ્યસભાના સાંસદોને નકલો ઘટાડવામાં આવી હતી.

Web Stories View more

Bike Petrol : બાઇકને તડકામાં પાર્ક કરો તો પેટ્રોલ ઉડી જાય છે ?

પ્લાસ્ટિક સર્જરી પર રાધિકા મદાને ખુલાસો કર્યો

ઝહીર ખાનને કેટલું પેન્શન મળે છે?

Rash after eating Mango: કેરી ખાઈ લીધા પછી કેટલાક લોકોને ફોલ્લીઓ કેમ થાય છે?

રસોડામાં દરરોજ આ એક કામ કરો અને તમે હંમેશા ધનવાન રહેશો!

Plant in pot : ઉનાળામાં છોડની કાળજી આ 6 રીતે રાખો, બગીચો રહેશે લીલોછમ

ઓમિક્રોનના કારણે હલવા સેરેમની મોકૂફ રાખવામાં આવ્યું

આ વર્ષે કોવિડ-19ના ઓમિક્રોન વેરિઅન્ટના કારણે વધુ નિયંત્રણો લાદવામાં આવ્યા છે. સૂત્રોના જણાવ્યા અનુસાર રોગચાળાને કારણે પરંપરાગત હલવા સેરેમની પણ પડતી મૂકવામાં આવી છે. જો કે બજેટ દસ્તાવેજોના સંકલનને ડિજિટાઇઝ કરવા માટે કર્મચારીઓના નાના જૂથને અલગ કરવાની જરૂર પડશે.

બજેટ દસ્તાવેજમાં સામાન્ય રીતે સંસદમાં રજૂ થનાર નાણામંત્રીનું ભાષણ, હાઇલાઇટ્સ, વાર્ષિક નાણાકીય નિવેદનો, કર દરખાસ્તો સાથેનું નાણા બિલ, નાણાકીય ખરડામાં જોગવાઈઓ સમજાવતું મેમોરેન્ડમ અને મેક્રો ઇકોનોમિક રૂપરેખાની વિગતોનો સમાવેશ થાય છે. તેમાં મિડિયમ ટર્મ ફિસ્કલ પોલિસી કમ ફિસ્કલ પોલિસી સ્ટ્રેટેજી સ્ટેટમેન્ટ, પ્લાન માટેના પરિણામોની રૂપરેખા, કસ્ટમ્સ નોટિફિકેશન, અગાઉના બજેટની જાહેરાતોના અમલીકરણ, રસીદ બજેટ, ખર્ચ બજેટ અને બજેટ અંદાજની વિગતો પણ સામેલ છે.

આ પણ વાંચો : Unilever તેનું Restructuring કરશે, ફેરફાર સાથે 1500 કર્મચારીઓ બેરોજગાર બનશે

આ પણ વાંચો : Budget 2022: વરિષ્ઠ નાગરિકોની આ છે અપેક્ષાઓ, વ્યાજદર વધે, એન્યુટી ઈન્કમ ટેક્સ ફ્રી કરવામા આવે