Karwa Chauth 2021 : જાણો, કરવા ચોથના તે 8 નિયમ જે દરેક મહિલાને ખબર હોવા જોઈએ
કરવા ચોથ (Karwa Chauth) મહિલાઓનો મોટો તહેવાર છે. મહિલાઓ આ વ્રતની આખું વર્ષ રાહ જુએ છે. આ વખતે 24 ઓક્ટોબરે કરવા ચોથનું વ્રત આવે છે. આવો જાણીએ આ તહેવારના અમુક નિયમ.
કરવા ચોથનું (Karwa Chauth) વ્રત દર વર્ષે કાર્તિક મહિનાની કૃષ્ણ પક્ષની ચોથના દિવસે મનાવવામાં આવે છે. કરવા ચોથનું વ્રત હિંદુ ધર્મમાં મહિલાઓ માટે વિશેષ મહત્વ ધરાવે છે. મહિલાઓ આખું વર્ષ આ તહેવારની રાહ જુએ છે. આ દિવસે વિવાહિત મહિલાઓ તેમના પતિના લાંબા આયુષ્ય માટે તપ કરે છે અને વ્રત અને ઉપવાસ કરે છે.
રાત્રે પૂજા અને ચંદ્ર દર્શન કર્યા બાદ તે પતિના હાથમાંથી પાણી પીને ઉપવાસ તોડે છે. આ વખતે 24 ઓક્ટોબરને રવિવારે કરવા ચોથનો તહેવાર આવી રહ્યો છે. જોકે કરવા ચોથનું વ્રત મહિલાઓ માટેનું વ્રત છે, પરંતુ જ્યારે સ્ત્રી બીમાર હોય અથવા કોઈ ખાસ સંજોગોમાં હોય ત્યારે પુરુષો પણ આ વ્રત રાખી શકે છે. અહીં અમે તમને ઉપવાસ સાથે જોડાયેલા કેટલાક એવા નિયમો જણાવવા જઈ રહ્યા છીએ, જે દરેક મહિલાએ જાણવું જ જોઈએ.
આવો જાણીએ કરવા ચોથના નિયમ
કરવા ચોથનો ઉપવાસ સૂર્યોદય સાથે શરૂ થાય છે. તે પહેલા સ્ત્રી કંઈપણ ખાઈ શકે છે. આ માટે તમારા મનમાં શંકા ન રાખો. એટલા માટે સૂર્યોદય પહેલા તમામ ઘરોમાં સરગી ખવડાવવામાં આવે છે, જેથી મહિલાને આખો દિવસ એનર્જી મળી શકે.
જો પ્રથમ કરવા ચોથ વ્રત દરમિયાન સ્ત્રીને ફળોનો ખોરાક આપવામાં આવ્યો હોય અથવા પાણી લેવામાં આવ્યું હોય તો સ્ત્રી અન્ય કરવા ચોથ ઉપવાસ કરી શકે છે અથવા નિર્જળા રહી શકે છે. ફળો પણ ખાઈ શકે છે. જોકે આ ઉપવાસમાં સૂર્યાસ્ત સુધી પાણી પીવામાં આવતું નથી, પરંતુ જો મહિલા બીમાર હોય તો તે પાણી લઈ શકે છે.
પરિણીત મહિલાઓ સિવાય આ વ્રત જેમના લગ્ન નક્કી થઇ ગયા હોય તે છોકરીઓ પણ રાખી શકે છે. પરંતુ અપરિણીત છોકરીઓએ ચંદ્ર ન જોવો જોઈએ, તેઓએ તારાઓ જોઈને ઉપવાસ તોડવો જોઈએ.
જો કોઈ પણ વર્ષમાં કોઈ સ્ત્રી બીમાર હોય તો તેનો પતિ કરવા ચોથનું વ્રત કરી શકે છે. શાસ્ત્રોમાં આ બાબતે જણાવવામાં આવ્યું છે. આજકાલ પતિનું પત્ની માટે કરવા ચોથનું વ્રત રાખવું પણ એક ટ્રેન્ડ બની ગયો છે.
વ્રતના દિવસે કથા સાંભળવી ખૂબ જ મહત્વપૂર્ણ માનવામાં આવે છે. એવું માનવામાં આવે છે કે કરવા ચોથની કથા સાંભળીને વિવાહિત મહિલાઓ ખુશ રહે છે. તેમના ઘરમાં સુખ, શાંતિ, સમૃદ્ધિ આવે છે અને સંતાન સુખ મળે છે.
ઉપવાસની કથા સાંભળતી વખતે આખું અનાજ અને મીઠાઈ તમારી સાથે રાખવી જોઈએ. વાર્તા સાંભળ્યા પછી પુત્રવધૂએ સાસુને પગે લાગવું જોઈએ.
વ્રતના દિવસે મહિલાઓએ લાલ, પીળા વગેરે જેવા તેજસ્વી રંગના કપડા પહેરવા જોઈએ. કાળા અને સફેદ રંગના કપડા ન પહેરવા જોઈએ. તેમજ સફેદ વસ્તુઓનું દાન ન કરવું જોઈએ.
સાંજે સૂર્યાસ્તના લગભગ એક કલાક પહેલા શિવ-પરિવારની પૂજા કરવી જોઈએ. પૂજા દરમિયાન એવી રીતે બેસો કે તમારો ચહેરો પૂર્વ દિશા તરફ હોય. પૂજા પછી ચંદ્રની પૂજા અને ચંદ્ર બહાર આવે ત્યારે અર્ઘ્ય આપવું જોઈએ. આ પછી પતિના લાંબા આયુષ્યની ઇચ્છા કર્યા પછી પતિને તિલક લગાવો. તેમના આશીર્વાદ અને ઘરના વડીલોના આશીર્વાદ લો. આ પછી પતિના હાથે પાણી લઈને ઉપવાસ તોડો.
આ પણ વાંચો : Karwa Chauth 2021: કરવા ચોથના દિવસે ચારણીથી કેમ જોવામાં આવે છે ચાંદ ?