મારૂતિ સુઝુકીની પહેલી ઇલેક્ટ્રિક કાર આ મહિનાથી બજારમાં આવશે, અન્ય કંપની પણ લાવે છે નવા મોડલ
જો તમે નવી કાર ખરીદવા જઈ રહ્યા છો, તો ઉતાવળ ના કરશો. નવી કાર ખરીદવામાં થોડી રાહ જોવી વધુ સારી રહેશે, કારણ કે આ વર્ષે તમારા માટે એક કે બે નહીં પરંતુ પાંચ નવી કાર લોન્ચ થવા જઈ રહી છે. મારુતિ સુઝુકીની પહેલી ઇલેક્ટ્રિક કારથી લઈને કિયા અને ટાટા મોટર્સની નવી ઇલેક્ટ્રિક કાર ટૂંક સમયમાં બજારમાં આવવા જઈ રહી છે.
Maruti Suzuki E-Vitara : મારુતિ સુઝુકીની આ પહેલી ઇલેક્ટ્રિક કારનું વેચાણ સપ્ટેમ્બરથી શરૂ થઈ શકે છે. આ 5 સીટવાળી મિડ-સાઇઝ ઇલેક્ટ્રિક SUV હ્યુન્ડાઇ ક્રેટા ઇલેક્ટ્રિક, ટાટા હેરિયર EV અને મહિન્દ્રા XEV 9e જેવી કાર સાથે સ્પર્ધા કરશે.
New Gen Hyundai Venue : હ્યુન્ડાઇ વેન્યુનું નવું મોડેલ સુરક્ષાના પરીક્ષણ દરમિયાન ઘણી વખત જોવા મળ્યું છે, આ SUV તહેવારોની સીઝનની આસપાસ લોન્ચ થઈ શકે છે. નવા અવતાર અને નવી સુવિધાઓ સાથે, આ કાર 1.2 લિટર પેટ્રોલ, 1.0 લિટર ટર્બો પેટ્રોલ અને 1.5 લિટર ડીઝલ એન્જિન સાથે લોન્ચ થઈ શકે છે.
New Gen Mahindra Bolero Neo : મહિન્દ્રાની આગામી પેઢીની બોલેરો નીઓ આ વર્ષે 15 ઓગસ્ટે લોન્ચ થઈ શકે છે. આધુનિક ડિઝાઇન અને પ્રીમિયમ ઇન્ટિરિયર સાથે, આ કાર ગ્રાહકો માટે નવી સુવિધાઓ સાથે લોન્ચ થઈ શકે છે.
Tata Sierra EV : ટાટા મોટર્સનું આ આગામી ઇલેક્ટ્રિક વાહન 2025 માં લોન્ચ થવાની તૈયારીમાં છે, હેરિયરનો ઇલેક્ટ્રિક અવતાર એક ચાર્જ પર 500 કિમી સુધીની ડ્રાઇવિંગ રેન્જ ઓફર કરી શકે છે.
Kia Clavis EV : આ કારનું ICE વેરિઅન્ટ ગ્રાહકો માટે લોન્ચ કરવામાં આવ્યું છે. આ કાર બે બેટરી વિકલ્પોમાં લોન્ચ કરી શકે છે. મીડિયા રિપોર્ટ્સ અનુસાર, આ ઇલેક્ટ્રિક કાર એક ચાર્જ પર 460 કિમીથી વધુની ડ્રાઇવિંગ રેન્જ ઓફર કરશે.
