Car Care Tips: કાળઝાળ ગરમીમાં તમારી કારના એન્જિનને ઓવરહીટિંગ અને ટાયર ફાટવાથી કેવી રીતે બચાવશો? લાખોનો ખર્ચ બચાવશે આ ટિપ્સ

ઉનાળાની ઋતુ માત્ર આપણા માટે જ નહીં પરંતુ વાહનો માટે પણ પડકારજનક હોય છે. આ સિઝનમાં ઓવરહીટિંગ અને ટાયર ફાટવા જેવી સમસ્યાઓ સામાન્ય બની જાય છે. જો એન્જિનમાં ખામી સર્જાય તો તમારા લાખો રૂપિયા ખર્ચાઈ શકે છે. જોકે, કેટલીક બાબતોનું ધ્યાન રાખીને આ સમસ્યાઓને ટાળી શકાય છે.

જ્યારે પારો 40-45 ડિગ્રી સુધી પહોંચી જાય છે, ત્યારે તેની ખરાબ અસર તમારી કાર પર પણ પડે છે. લાંબો ટ્રાફિક જામ, તપતા રસ્તાઓ અને સતત ચાલતા AC ને કારણે ગાડીના દરેક ભાગ પર બમણું દબાણ આવે છે. આવા સમયે એન્જિનનું ઓવરહીટ થવું, ટાયર ફેઈલ થવું અને બેટરી સંબંધિત સમસ્યાઓ સામાન્ય છે. જો તમે ઉનાળામાં દરરોજ કારનો ઉપયોગ કરો છો, તો આ વધારાની સાવચેતી તમને મોટી મુશ્કેલીઓથી બચાવી શકે છે.

કૂલન્ટ લેવલ ચેક કરતા રહો

ઉનાળામાં એન્જિનને ઠંડુ રાખવું સૌથી જરૂરી છે.

• જો કૂલન્ટ ઓછું હોય કે જૂનું થઈ ગયું હોય, તો તે એન્જિનને ઓવરહીટ થતું રોકી શકશે નહીં.
• સમય સમય પર કૂલન્ટ, એન્જિન ઓઈલ અને બ્રેક ઓઈલ લેવલ તપાસતા રહો.
• જૂનું કે ઘટ્ટ થઈ ગયેલું એન્જિન ઓઈલ એન્જિનને યોગ્ય રીતે લુબ્રિકેટ કરી શકતું નથી, જેની અસર પરફોર્મન્સ પર પડે છે.

AC સર્વિસ છે અનિવાર્ય

• ઉનાળામાં એસી વગર મુસાફરી કરવી મુશ્કેલ છે, તેથી તેની સર્વિસ કરાવી લેવી જોઈએ.
• જો કૂલિંગ ઓછું લાગતું હોય તો AC ગેસ અને ફિલ્ટર ચેક કરાવો.
• સાફ ફિલ્ટરથી કૂલિંગ સારું મળશે અને માઈલેજમાં પણ વધારો થશે.

ટાયરના પ્રેશર પર આપો ધ્યાન

• તપતા રસ્તાઓને કારણે ટાયરની અંદરની હવાનું દબાણ કુદરતી રીતે વધે છે.
• ઉનાળામાં ટાયરમાં જરૂર કરતા વધુ હવા ન ભરાવો, કારણ કે તેનાથી ટાયર ફાટવાનું જોખમ રહે છે.
• દર 10 થી 15 દિવસે ટાયરનું પ્રેશર ચોક્કસ ચેક કરાવો.

એન્જિન ગરમ થવાની ચેતવણીને અવગણશો નહીં

• જો ડેશબોર્ડ પર એન્જિન ગરમ થવાની લાઈટ દેખાય, તો ગાડીને તરત જ છાંયડામાં રોકી દો અને એન્જિન ઠંડુ થવા દો.
• આવી સ્થિતિમાં ગાડી ચલાવતા રહેવાથી એન્જિન કાયમી ધોરણે ખરાબ થઈ શકે છે અને લાખોનો ખર્ચ આવી શકે છે.
• કારને ક્યારેય સીધા તડકામાં પાર્ક ન કરો; હંમેશા ઝાડ નીચે કે કવર્ડ પાર્કિંગનો આગ્રહ રાખો.

બેટરીનું ખાસ ધ્યાન રાખો

• વધુ ગરમી બેટરીની અંદરના લિક્વિડને સૂકવી નાખે છે, જેનાથી બેટરી જલ્દી ખરાબ થઈ શકે છે.
• જો ગાડી સ્ટાર્ટ થવામાં સમય લેતી હોય કે લાઈટો ડીમ દેખાતી હોય, તો સમજી લેવું કે બેટરીની સ્થિતિ નબળી છે.
• ભીષણ ગરમીમાં બેટરી ફેઈલ થવી તમને મોટી મુસીબતમાં મૂકી શકે છે.

Breaking News : ગીર અભયારણ્યમાં નિયમોના ધજાગરા ! ખજૂરી નેસમાં મંજુરી વિનાના કાર્યક્રમ પર બખેડો, જુઓ Video