DIY Tips: કાર પર પડી ગયો સ્ક્રેચ? ગભરાશો નહીં, ઘરે જ 5 રીતે થશે ઠીક!

ઘણા લોકો માટે કાર માત્ર વાહન નથી, પરંતુ તેમની પ્રતિષ્ઠા અને સ્ટાઇલનું પ્રતિક હોય છે. છતાં પણ કાર ધોતાં, પાર્કિંગ કરતી વખતે અથવા ભારે ટ્રાફિકમાં નાના-મોટા સ્ક્રેચ કે ડેન્ટ પડી જવી સામાન્ય બાબત છે. આવી સ્થિતિમાં દર વખતે ગેરેજ પર જઈને ખર્ચાળ રિપેર કરાવવું બધાને અનુકૂળ નથી. આવી નાની ક્ષતિઓને તમે ઘરે જ સરળ ઉપાયો દ્વારા સુધારી શકો છો. ચાલો જાણીએ એવા 5 સરળ અને અસરકારક DIY રસ્તાઓ વિશે, જે ઘણા કાર માલિકો માટે ઉપયોગી સાબિત થયા છે.

સ્ક્રેચના વિસ્તારને સારી રીતે સાફ કરો

સૌપ્રથમ સ્ક્રેચ આવેલી જગ્યા કાર શેમ્પૂ અને પાણીથી સારી રીતે ધોઈ લો. ધૂળ-માટી દૂર કર્યા પછી નરમ માઇક્રોફાઇબર કપડાથી સુકાવો. સ્વચ્છ સપાટી પર સ્ક્રેચની સાચી સ્થિતિ સ્પષ્ટ દેખાય છે.

સ્ક્રેચ રીમુવરનો ઉપયોગ

જો તમારી કાર પર સ્ક્રેચ પેઇન્ટની સપાટી પર જ છે અને ગહન નથી, તો સ્ક્રેચ રિમૂવર અથવા રબિંગ કંપાઉન્ડ વાપરો. નરમ કપડાં પર થોડું લગાવી ને ગોળ ગોળ હલકી દબાણ સાથે મસાજ કરો. આ સ્ક્રેચ દૂર થવામાં મદદ કરે છે.

ટચ-અપ પેઇન્ટ લગાવો

જો સ્ક્રેચ પેઇન્ટની ઉપરલી સ્તર પાર કરીને અંદર સુધી પહોંચી ગઈ હોય, તો કારના મૂળ રંગ સાથે મેળ ખાતો ટચ-અપ પેઇન્ટ ઉપયોગમાં લો. મોટાભાગની કંપનીઓ યોગ્ય શેડ પસંદ કરવા માટે કલર કોડ આપે છે, જેથી સચોટ રંગ મળે. પાતળા બ્રશની મદદથી ધ્યાનપૂર્વક પેઇન્ટ લગાવો અને તેને સંપૂર્ણ રીતે સૂકાઈ જવા દો. ત્યારબાદ, જરૂર હોય તો હળવી પોલિશ કરીને સપાટી સમાન બનાવી શકાય છે.

ગરમ પાણીનો ઉપયોગ

જો પ્લાસ્ટિક બમ્પર પર નાનો ડેન્ટ પડી ગયો હોય, તો ગરમ પાણી ઉપયોગી સાબિત થઈ શકે છે. ગરમ પાણી રેડવાથી પ્લાસ્ટિક થોડું નરમ બને છે, જેના કારણે તેને મૂળ આકારમાં પરત લાવવું સરળ બને છે. પછી બમ્પરની પાછળની બાજુથી હળવા દબાણ સાથે તેને સીધું કરી શકાય છે. ધ્યાન રાખવું કે આ રીત માત્ર નાના અને હળવા ડેન્ટ માટે જ અસરકારક છે.

ડેન્ટ પુલરનો ઉપયોગ

નાના અને હળવા અંદર ધસાયેલા ડેન્ટ માટે સક્શન આધારિત ડેન્ટ પુલર ઉપયોગી બની શકે છે. તેને ડેન્ટ આવેલી જગ્યા પર મજબૂતીથી ફિટ કરીને ધીમે ધીમે ખેંચવું જોઈએ. પરંતુ ખૂબ ઊંડા અથવા તીક્ષ્ણ કિનારા ધરાવતા ડેન્ટ પર આ સાધનનો ઉપયોગ કરવો ટાળો, કારણ કે ખોટી રીતે વાપરવાથી નુકસાન વધુ વધી શકે છે.

Disclaimer : આ ટીપ્સ માત્ર માર્ગદર્શન માટે છે. અમલ પહેલાં નિષ્ણાતની સલાહ લેવી જરૂરી છે. TV9Gujarati કોઈ જવાબદારી લેતું નથી.

26 ફેબ્રુઆરીના મહત્વના સમાચાર : અમદાવાદમાં 9 સ્થળોએ ઈડીના દરોડા, અનસ ગ્રુપ અને તેના ભાગીદારોને ત્યાં EDની રેડ