અંડર-17 ફૂટબોલ વર્લ્ડ કપ ભારતમાં યોજાશે કે નહીં ? વીડિયો જુઓ
ફિફાએ તાજેતરમાં જ ભારતીય ફૂટબોલ ફેડરેશન પર પ્રતિબંધ મૂક્યો હતો. આ પ્રતિબંધ બાદ અંડર-17 મહિલા વર્લ્ડ કપ (Under-17 Football World Cup)ની યજમાની પણ ભારતના હાથમાંથી સરકવા લાગી.
Football : ફિફાએ તાજેતરમાં જ ભારતીય ફૂટબોલ ફેડરેશન (Indian Football Federation)પર પ્રતિબંધ મૂક્યો હતો. ત્રીજા પક્ષોની દખલગીરીને કારણે ભારતીય ફૂટબોલ ફેડરેશન પર આ પ્રતિબંધ લગાવવામાં આવ્યો હતો. આ પ્રતિબંધ બાદ અંડર-17 મહિલા વર્લ્ડ કપની યજમાની પણ ભારતના હાથમાંથી સરકવા લાગી. પ્રતિબંધ લગાવવામાં આવ્યા બાદ કેન્દ્ર સરકારે સુપ્રીમ કોર્ટ (Supreme Court)નો સંપર્ક કર્યો હતો. જેના પર કોર્ટે આજે પોતાનો ચુકાદો આપ્યો છે. ભારતીય ફૂટબોલ એસોસિએશનના સસ્પેન્શનને કારણે અહીં યોજાઈ રહેલી ફૂટબોલ ઈવેન્ટ્સ પર પણ અસર પડી છે. AIFFના સસ્પેન્શને ભારતમાં યોજાનારા અંડર-17 મહિલા વર્લ્ડ કપને પણ મુલતવી રાખ્યો છે.
આ ટુર્નામેન્ટ ઓક્ટોબરમાં યોજાવાની હતી. આ સિવાય તેની અસર ભારતની ફૂટબોલ લીગ ISL અને અન્ય મોટી ટુર્નામેન્ટમાં ભારતીય ટીમની ભાગીદારી પર પણ જોવા મળી શકે છે.FIFAએ AIFFને હાલ સસ્પેંડ કરી દીધુ છે. જેના કારણે FIFA U-17 વિમેન્સ વર્લ્ડ કપ 2022ની યજમાની ઉપર સંકટ આવી ગયુ છે.
ફીફાએ COAને હટાવવાની માંગ કરી
કોર્ટે કહ્યું છે કે, ભારતીય ફૂટબોલ સંઘની ચૂંટણી 28 ઓગસ્ટના બદલે 5 સપ્ટેમ્બરે યોજાશે. કોર્ટે કહ્યું કે સરકાર ફિફા સાથે વાતચીત કરી રહી છે અને તેને ઉકેલ શોધવા માટે વાત કરશે. કોર્ટે કહ્યું કે અંડર-17 વર્લ્ડ કપના મહત્વને ધ્યાનમાં રાખીને આ આદેશ આપવામાં આવ્યો છે. વાસ્તવમાં ફીફાએ COAને હટાવવાની માંગ કરી છે. અહીં જાણો વર્લ્ડ કપની યજમાની બચાવવા માટે કોર્ટનો આદેશ
