Kam Ni Vaat: માર્ચ મહિનામાં પતાવી લો 7 જરૂરી કામ, નહીં તો વેઠવું પડશે નુકસાન

માર્ચ મહિનો અડધો થઈ ચુક્યો છે. પરંતુ જો આધાર કે પાન લિંક કરવાનું કે પછી બેંક અકાઉન્ટ (Bank account)માં KYC સહિતના 7 જરૂરી કામ જો આપે બાકી રખ્યા હોય તો સાવધાન થઈ જજો અને ફટાફટ 31 માર્ચ પહેલા પતાવી લો આ કામ નહીં તો નુકસાન વેઠવું પડશે. માર્ચ  મહિનો નાણાકીય વર્ષ 2021-22 (FY 2021-22)નો છેલ્લો મહિનો છે. આવી સ્થિતિમાં તમારે ઘણાં જરૂરી કામ પતાવવાનાં હોય છે. જો તમે આ કામ નહીં પતાવો તો તમારે નુકસાન વેઠવું પડી શકે છે.

આ કામોમાં બેંકિંગ (Banking) અને ઈન્વેસ્ટમેન્ટ (Investment) સાથે સંબંધિત ઘણાં કામ સામેલ છે. જાણો આવા જ 7 કામો વિશે જે આ મહિને તમારે પતાવવાનાં છે.

1. આધાર-પાન લિંક કરાવી લો

1. પાનકાર્ડ (PAN card)ને આધાર સાથે લિંક કરાવવાની છેલ્લી તારીખ 31 માર્ચ છે.
2. જો તમે 31 માર્ચ સુધી તમે પાનને આધાર સાથે લિંક નથી કરાવતા તો એ ડિએક્ટિવેટ થઈ જશે.
3.  જો કોઈ વ્યક્તિની પાસે એક્ટિવ પાન નંબર નથી તો બેંક તમારી આવક પર 20 ટકાના દરે TDS કટ કરશે.

2. બિલેટેડ અને રિવાઈઝ્ડ રિટર્ન (Revised return) ફાઈલ કરો

1.  2019-20 માટે બિલેટેડ અથવા સંશોધિત ઈન્કમટેક્સ રિટર્ન (ITR) દાખલ કરવાની છેલ્લી તારીખ પણ 31 માર્ચ છે.
2. કોઈ નાણાંકીય વર્ષ માટે રિટર્ન ફાઈલ (Return file) કરવાની મૂળ સમયમર્યાદા પૂરી થયા પછી બિલેટેડ રિટર્ન ફાઈલ કરવામાં આવે છે.
3. એના માટે કરદાતા (Taxpayer)એ 10,000 રૂપિયાનો દંડ ભરવો પડે છે.
4. રિવાઈઝ્ડ રિટર્ન ત્યારે ફાઈલ કરવામાં આવે છે જ્યારે ઓરિજિનલ રિટર્ન ફાઈલ કરતા સમયે કોઈ ભૂલ થઈ જાય
5. બિલેટેડ ITR આવકવેરા અધિનિયમ, 1961ની કલમ 139(4) હેઠળ ફાઈલ કરવામાં આવે છે.
6. તેમજ રિવાઈઝ્ડ ITRને સેક્શન 139(5) હેઠળ ફાઈલ કરવામાં આવે છે.
7. બિલેટેડ રિટર્ન 10 હજાર રૂપિયાની લેટ ફાઈલિંગ ફી (Late filing fee)ની સાથે 31 માર્ચ 2021 પહેલાં ફાઈલ કરવાનું રહે છે.

3. ઈન્કમ ટેક્સ છૂટ મેળવવા માટે રોકાણ

1. જો તમે ઈન્કમટેક્સ છૂટનો ફાયદો લેવા માટે રોકાણ કરવાનો પ્લાન બનાવી રહ્યા છો તો તમારે 31 માર્ચ સુધી રોકાણ કરવું પડશે.
2. ઈન્કમટેક્સ એક્ટની ઘણી સેક્શન જેમ કે 80C અને 80D અંતર્ગત કરવામાં આવેલા રોકાણ પર ટેક્સ છૂટ (Tax exemption)નો ફાયદો મળે છે.
3. ઈન્કમટેક્સ એક્ટની સેક્શન 80C અંતર્ગત 1.5 લાખ રૂપિયા સુધીના રોકાણ (Investment) પર ટેક્સ છૂટ લઈ શકાય છે.

4. સ્ટોક્સ અને ઈક્વિટી ફંડ્સમાંથી પ્રોફિટ બુક કરો

1. સ્ટોક્સ (Stocks) અને ઈક્વિટી ઓરિયેન્ટેડ ફંડ્સ (Equity Oriented Funds) પર 1 લાખ રૂપિયાથી વધુ લોન્ગ ટર્મ કેપિટલગેઈન પર હવે ટેક્સ લાગે છે.
2. જો તમે લોન્ગ ટર્મ કેપિટલગેઈન કર્યો હોય તો રૂ. 1 લાખ સુધીના લોન્ગ ટર્મ કેપિટલગેઈન પર ટેક્સ છૂટનો ફાયદો લઈ શકાય છે.
3. 31 માર્ચ પહેલાં પ્રોફિટ બુક કરો, જેથી ટેક્સ છૂટનો લાભ લઈ શકાય.

5. PPF, NPS અને સુકન્યા અકાઉન્ટ્સમાં જમા કરો મિનિમમ અમાઉન્ટ

1. જો તમારું પબ્લિક પ્રોવિડન્ટ ફંડ (PPF), નેશનલ પેન્શન સ્કીમ (NPS) અને સુકન્યા સમૃદ્ધિ યોજના (SSY) એકાઉન્ટ છે. પરંતુ આ નાણાકીય વર્ષમાં તેમાં પૈસા નથી નાખ્યા તો અકાઉન્ટ એક્ટિવ રાખવા માટે તેમાં અમુક રકમ જમા કરો.
2.  PPF અને NPSમાં પૈસા ન નાખવા પર આ અકાઉન્ટ્સ ઈનએક્ટિવ થઈ જશે.
3.  જો જરૂરી ન્યૂનતમ રકમ જમા નહીં કરો તો એને ફરીથી એક્ટિવ કરાવવા માટે તમારે દંડ ભરવો પડશે.

6. ફોર્મ 12B જમા કરો

1.  જો તમે 1 એપ્રિલ 2021 પછી નોકરી બદલી હોય તો પહેલાંની નોકરીમાં કટ કરવામાં આવેલા TDSની જાણકારી ફોર્મ 12B દ્વારા નવી કંપનીને આપો.
2.  31 માર્ચ સુધી ફોર્મ 12B નહીં જમા કરો તો કંપની વધારે TDS કપાઈ શકે છે, જેનું નુકસાન તમને જ થશે.

7. બેંક અકાઉન્ટનું KYC

1. 31 માર્ચ 2022 સુધી ડિમેટ (Demat) અને બેંક અકાઉન્ટધારકોને KYC અપડેટ કરવાનું રહેશે.
2.  KYC અંતર્ગત ગ્રાહકોને તેમના પાનકાર્ડ, સરનામું, જેમ કે આધાર, પાસપોર્ટ વગેરે અપડેટ કરવા માટે બેંક કહે છે.
3.  તેની સાથે જ તાજેતરનો ફોટોગ્રાફ અને અન્ય જાણકારી પણ માગવામાં આવે છે.
4.  નિયમ અનુસાર જો તમે તમારું KYC અપડેટ નહીં હોય તો તમારું બેંક અકાઉન્ટ બંધ થઈ શકે છે.

આ પણ વાંચો : Kam-Ni-Vaat: શું તમે કોઈ વેપાર ધંધો શરૂ કરવા કે વધારવા માંગો છો ? સરકાર તેના માટે સરળતાથી આપે છે લોન