Viral Video: રેસમાં દોડતા ઘોડાએ અચાનક ગુમાવ્યું સંતુલન, પછી જે થયું તે વીડિયોમાં જોઈને તમે પણ સ્તબ્ધ થઈ જશો

અકસ્માતો થવા તે સામાન્ય બાબત છે. કેટલીકવાર અકસ્માતો ઇરાદાપૂર્વક, તો ક્યારેક અજાણતાં થતા હોય છે. રોડ, રેલવે અને વિમાન દુર્ઘટનાના વીડિયો પણ સોશિયલ મીડિયા પર વાયરલ થાતા હોય છે. પરંતુ ઘોડાની રેસ દરમિયાન તાજેતરમાં થયેલ અકસ્માતને જોઈને તમે પણ ચોંકી ઉઠશો. આ વિડિઓ જોયા બાદ તમને આવી રેસ જોવા માટે જવામાં પણ ડર લાગશે.

હાલ ઘોડાની રેસનો (Horse Race) એક વીડિયો સોશિયલ મીડિયા પર ખૂબ વાયરલ થઈ રહ્યો છે. આ વિડિઓમાં જોઈ શકાય છે કે ઘોડાઓ તેના સવાર સાથે એક રેસમાં દોડી રહ્યા છે. ફેન્સીંગની બહાર પ્રેક્ષકો પણ રેસનો આનંદ લઈ રહ્યા છે અને ભાગ લેનારા સ્પર્ધકોને પ્રોત્સાહિત કરી રહ્યા છે. ફેન્સીંગની બહાર વાહનો પણ પાર્ક થયેલા જોઈ શકાય છે. વીડિયોમાં જોઇ શકાય છે કે, બે ઘોડા ઝડપથી દોડી રહ્યા છે. ત્યારે જ એક ઘોડો તેના ટ્રેક પરથી અલગ રસ્તે નીકળીને એક પ્રેક્ષની વાદળી કલરની કાર સાથે ધડાકાભેર ટકરાઈ જાય છે. આ ટક્કર એટલી ખતરનાક છે કે, ઘોડો અને સવાર બંને હવામાં ફંગોળાઈને પલટાઈ જાય છે.

આ ખતરનાક વિડિઓને સોશિયલ મીડિયા પર લાઇફ એન્ડ નેચર (Life and nature) નામના એકાઉન્ટ પરથી શેર કરવામાં આવ્યો છે. લોકો આ વીડિયો જોઈને ચોંકી ગયા છે. આ વીડિયોને અત્યાર સુધીમાં 40 હજારથી વધુ લોકો જોઇ ચૂક્યા છે. લોકો આ વિડિઓ ક્લિપને ખૂબ શેર પણ કરી રહ્યાં છે. આ ભયંકર ટક્કર અને તેના પરિણામો જોઇને યૂઝર્સ આશ્ચર્યચકિત થઈ ગયા છે.

આ પણ વાંચો: Pulwama Encounter : જમ્મુ-કાશ્મીરમાં બે અલગ અલગ એન્કાઉન્ટરમાં લશ્કર એ તૈયબાના 4 ખુંખાર આતંકવાદી ઠાર

આ પણ વાંચો: RBIએ SBI સહિત 14 બેંકો સામે દંડાત્મક કાર્યવાહી કરી, જાણો કેમ ફટકારાયો દંડ