Viral Video : ઓફિસમાં ગેમ રમી રહ્યો હતો કર્મચારી અને અચાનક આવી ગયો બોસ, પછી તો ભાઇની જોવા જેવી થઇ

આ ફની વીડિયોને સોશિયલ મીડિયા પર લોકો ખૂબ પસંદ કરી રહ્યા છે. આ જ કારણ છે કે ઘણા યુઝર્સે વીડિયો પર પોતાની પ્રતિક્રિયા પણ નોંધાવી. એક યુઝરે કહ્યું, 'બોસ જો ડાલ ડાલ તો કર્મચારી પાત પાત'

Employee was secretly playing the game in the office suddenly boss has come

TV9 Gujarati | Edited By: Hasmukh Ramani | Updated on: Sep 18, 2021 | 7:18 AM

Viral Video: ઘણી વખત જ્યારે લોકો ઓફિસમાં કામ દરમિયાન થાકેલા હોય છે, ત્યારે તેઓ પોતાનું મનોરંજન કરવા માટે ગીત સાંભળે છે અથવા તો ગેમ રમે છે, આ દરમિયાન આપણને લાગે છે કે આપણને કોઇ જોઇ નથી રહ્યુ પરંતુ એવું થતું નથી. કારણ કે બોસની નજર બધે જ હોય છે. હાલમાં આવો જ એક વીડિયો સામે આવ્યો છે. વીડિયો જોયા પછી, તમે ચોક્કસપણે તમારા બોસને એક ક્ષણ માટે યાદ કરશો.

વીડિયોમાં એક માણસ ઓફિસમાં ગેમ રમી રહ્યો છે અને ત્યાંથી પસાર થતા તેના બોસની નજર તેના પર પડે છે, પરંતુ કર્મચારી પણ એટલો ચાલાકીભર્યો નીકળ્યો કે તે બોસથી છટકી ગયો. આ પછી બોસે આ કર્મચારીને પકડવા માટે કંઈક એવું કર્યું કે આ વીડિયો ઇન્ટરનેટ પર છવાઈ ગયો. લોકોને બોસ અને કર્મચારી વચ્ચેની આ રમત ગમી.

વાયરલ થઈ રહેલા વીડિયોમાં, તમે જોઈ શકો છો કે કર્મચારી તેની ઓફિસમાં કમ્પ્યુટર પર ખુશીથી ગેમ રમી રહ્યો છે, જ્યારે તેનો બોસ ત્યાંથી પસાર થાય છે, ત્યારે તે જોય જાય છે. બોસ તેને પકડવા માટે ફરીને જોવા આવે છે તો તે પોતાના કોમ્પ્યુટરની વિન્ડો ચેન્જ કરી દે છે. આ પછી બોસ તેનો મોબાઈલ ફોન બહાર કાઢે છે અને સેલ્ફીના બહાને તેના કર્મચારીને પકડવા માંગે છે, પરંતુ આ વખતે પણ કર્મચારી ખૂબ હોંશિયારી બતાવે છે અને બોસ આ બધું જોતો રહી ગયો.

આ ફની વીડિયોને સોશિયલ મીડિયા પર લોકો ખૂબ પસંદ કરી રહ્યા છે. આ જ કારણ છે કે ઘણા યુઝર્સે વીડિયો પર પોતાની પ્રતિક્રિયા પણ નોંધાવી. એક યુઝરે કહ્યું, ‘બોસ જો ડાલ ડાલ તો કર્મચારી પાત પાત’ જ્યારે અન્ય યુઝરે લખ્યું કે, ‘બોસ અહીંથી ચાલ્યો ગયો પરંતુ ચોક્કસપણે તેનો બદલો ઇન્ક્રીમેન્ટમાં લેશે. આ સિવાય, અન્ય ઘણા યૂઝર્સે આ વીડિયોની જુદી જુદી રીતે પ્રશંસા કરી.

આ પણ વાંચો –