વડાપ્રધાન નરેન્દ્ર મોદીએ શનિવારે કર્ણાટકના બેંગલુરુમાં ફાઇટર જેટ તેજસમાં ઉડાન ભરી હતી. તેમણે શનિવારે બેંગલુરુમાં હિન્દુસ્તાન એરોનોટિક્સ લિમિટેડની (HAL) મુલાકાત લીધી હતી. આ મુલાકાત બાદ પીએમ મોદીએ સોશિયલ મીડિયા પર એક પોસ્ટ શેર કરી, જેમાં તેમણે કહ્યું કે આ ઉડાનથી દેશની સ્વદેશી ક્ષમતાઓમાં મારો વિશ્વાસ વધ્યો છે. આ દરમિયાન ભારતીય વાયુસેનાના વડા એર ચીફ માર્શલ વીઆર ચૌધરી પણ નરેન્દ્ર મોદીની પ્રથમ ફ્લાઇટની તૈયારીઓ માટે હાજર રહ્યા હતા.
આ પણ વાંચો : PM બન્યા પાયલટ, બેંગલુરુમાં નરેન્દ્ર મોદીએ તેજસ ફાઈટર જેટમાં ભરી ઉડાન, જુઓ શાનદાર ફોટો
આ ઉડાનનો અનુભવ શેર કરતા નરેન્દ્ર મોદીએ પોતાના સોશિયલ મીડિયા એકાઉન્ટ X પર એક પોસ્ટ શેર કરી હતી. આ પોસ્ટમાં તેમણે લખ્યું છે કે, આજે તેજસમાં ઉડાન ભરતી વખતે હું ખૂબ જ ગર્વ સાથે કહી શકું છું કે આપણી મહેનત અને સમર્પણને કારણે આપણે આત્મનિર્ભરતાના ક્ષેત્રમાં દુનિયામાં કોઈથી ઓછા નથી.
Published On - 2:18 pm, Sat, 25 November 23
