Video: પોરબંદરના રતનપર ગામે જુરીના જંગલમાં ફરી ભભુકી ઉઠી ભીષણ આગ, દૂર દૂર સુધી ઉડ્યા ધુમાડાના ગોટેગોટા

પોરબંદરના રતનપર ગામે જુરીના જંગલમાં આગ લાગી છે. આ જંગલમાં આગ લાગવાની જાણ થતા જ ફાયરબ્રિગેડની ટીમ ઘટનાસ્થળે પહોંચી હતી અને આગ પર કાબુ કરવાના પ્રયાસ હાથ ધર્યા હતા. જંગલમાં અગાઉ પણ આગ ભભુકી હતી. ફરી આગ લાગતા ત્રણ ફાયર વિભાગની ટીમ ઘટનાસ્થળે પહોંચી હતી અને આગ પર કાબુ કરવાના પ્રયાસ હાથ ધરવામાં આવ્યા છે. આગ એટલી ભીષણ હતી કે દૂર દૂર સુધી આગના ગોટેગોટા જોવા મળ્યા હતા. ફાયર વિભાગની ટીમે કલાકો સુધી આગ પર કાબુ કરવા પ્રયાસ કર્યો હતો.

આ પણ વાંચો: Porbandar : આ દેશભક્તિ ગજબ છે ! પોરબંદરમા શિયાળાની કડકડતી ઠંડીમાં મધ દરિયે ધ્વજવંદન, 23 વર્ષની પરંપરા અકબંધ

અગાઉ 15 ડિસેમ્બરે પણ જંગલમાં ભીષણ આગ લાગી હતી. પોરબંદરનાં જંગલ વિસ્તારના ખાગેશ્રી ગામ પાસ ફોરેસ્ટ એરિયામાં આગ લાગી છે. મોડી રાતે બે વાગે જંગલ વિસ્તારમાં આગ લાગી હતી. જે બાદ અફરાતફરીનો માહોલ છવાયો છે. આગ પર કાબુ મેળવવા પોરબંદર ફાયર બ્રિગેડ તેમજ ઉપલેટા ફાયર બ્રિગેડની મદદ લેવામાં આવી હતી. જેમાં મોડી રાતથી પોરબંદરની ચાર ફાયર બ્રિગેડની ગાડીઓ ઘટના સ્થળે પહોંચીને ભારે જહેતથી આગ બુઝાવવાની કામગીરી હાથ ધરાઈ હતી.

આ તરફ પોરબંદરમાં 74માં પ્રજાસત્તાક પર્વની ઉજવણી કરવામાં આવી હતી. 26મી જાન્યુઆરી 74માં પ્રજાસત્તાક દિનની જિલ્લાકક્ષાની ઉજવણી કુતિયાણા સરકારી હાઇસ્કુલ ખાતે યોજાઈ હતી. જિલ્લા કલેક્ટર અશોક શર્માએ ધ્વજ વંદન કરી પરેડ નિરિક્ષણ કરી ઉપસ્થિત જિલ્લાવાસીઓ પાસેથી પ્રજાસત્તાક દિનનું અભિવાદન જીલ્યુ હતું.