Gujarat Video: વડોદરા વિસ્તારમાં શાળાનો આચાર્ય વિદ્યાર્થિનીઓને શૌચાલયમાં લઈ જઈ અશ્લિલ વીડિયો બતાવવા લાગ્યો!
વડોદરાના અભોર વિસ્તારની શાળાના આચાર્ય દ્વારા વિદ્યાર્થીઓને અશ્લિલ વીડિયો બતાવવાનો પ્રયાસ કર્યો હોવાનો આક્ષેપ થયો છે. દારુ પિધેલી હાલતમાં આચાર્ય દ્વારા આ પ્રકારનુ કૃત્ય કરવામાં આવ્યુ હોવાના આક્ષેપ કરવામાં આવ્યા છે. સોમવારે આ પ્રકારની હરકત કર્યા બાદ જ્યારે વાલીઓને આ વાતની જાણ સાંજે થતા બીજા દિવસે મામલો હવે પોલીસ મથકે પહોંચ્યો છે. મંગળવારે 15 […]
વડોદરાના અભોર વિસ્તારની શાળાના આચાર્ય દ્વારા વિદ્યાર્થીઓને અશ્લિલ વીડિયો બતાવવાનો પ્રયાસ કર્યો હોવાનો આક્ષેપ થયો છે. દારુ પિધેલી હાલતમાં આચાર્ય દ્વારા આ પ્રકારનુ કૃત્ય કરવામાં આવ્યુ હોવાના આક્ષેપ કરવામાં આવ્યા છે. સોમવારે આ પ્રકારની હરકત કર્યા બાદ જ્યારે વાલીઓને આ વાતની જાણ સાંજે થતા બીજા દિવસે મામલો હવે પોલીસ મથકે પહોંચ્યો છે. મંગળવારે 15 ઓગષ્ટ હોઈ શાળામાં સ્વતંત્ર પર્વનો કાર્યક્રમ હતો. જે કાર્યક્રમ પૂર્ણ થયા બાદ ગ્રામજનોએ શિક્ષકોની સામે હોબાળો મચાવીને પોલીસ બોલાવી હતી.
શાળાની આસપાસથી દારુની કોથળીઓ મળી આવી હતી. આમ દારુ પીવાની ટેવ ધરાવતા હોવાનો ગ્રામજનોએ શાળાના બે શિક્ષકો સામે આક્ષેપ કર્યો હતો. શાળાના આચાર્ય દ્વારા શૌચાલયમાં વિદ્યાર્થીનીઓને બોલાવીને તેમને મોબાઈલમાં અશ્લિલ વીડિયો દર્શાવ્યા હોવાનો આક્ષેપ કરવામાં આવ્યો છે. ગ્રામજનો પોલીસ મથકે પહોંચ્યા હતા અને જ્યાં ફરિયાદ નોંધવા અંગે રજૂઆત કરી હતી. શાળાના આચાર્ય અને શિક્ષકને પણ પોલીસ મથકે લઈ જવામાં આવ્યા હતા. ઘટના અંગે હવે પોલીસે પ્રાથમિક તપાસ શરુ કરી છે.
