Gujarati video : વડોદરામાં મહીસાગર નદીમાં ડૂબી જવાથી બે યુવકોના મોત, મૃતક બંને યુવક મહેમદાવાદના રહેવાસી
Kheda News : મહીસાગર નદીમાં ડૂબી જવાથી બે યુવકોના મોત થયા છે. ખેડાના (Kheda) મહેમદાવાદ તાલુકાના 5 યુવકો નદીમાં ન્હાવા પડ્યા હતા. પાંચ મિત્રોમાંથી બે મિત્રો ઉંડા પાણીમાં ખેંચાઇ જતા તેમના મોત થયા હતા.
મહિસાગર નદીમાં ડુબતા વધુ બે યુવકના મોત થયા છે. વડોદરા પાસે મહીસાગર નદીમાં ડૂબી જવાથી બે યુવકોના મોત થયા છે. ખેડાના (Kheda) મહેમદાવાદ તાલુકાના 5 યુવકો નદીમાં ન્હાવા પડ્યા હતા. પાંચ મિત્રોમાંથી બે મિત્રો ઉંડા પાણીમાં ખેંચાઇ જતા તેમના મોત થયા હતા. બંને યુવકોના મૃતદેહને સ્થાનિક તરવૈયાઓની મદદથી બહાર કાઢવામાં આવ્યા હતા. મૃતક બંને યુવકો મહેમદાવાદના ખંભાલી ગામના રહેવાસી હોવાનું સામે આવ્યુ છે.
આ પણ વાંચો-Mandi : સુરેન્દ્રનગરની ચોટીલા APMCમાં કપાસના મહત્તમ ભાવ રૂપિયા 8500 રહ્યા , જાણો જુદા-જુદા પાકના ભાવ
થોડા દિવસ પહેલા પણ વડોદરાના સાવલીમાં મહીસાગર નદીમાં ડૂબવાથી વિદ્યાર્થીનું મોત થયુ હતુ. સાવલીના લાંછનપુરા ગામ પાસે 21 વર્ષીય અભિષેક પટેલ નામનો વિદ્યાર્થી તેના 7 જેટલા મિત્રો સાથે મહીસાગર નદીમાં નાહવા આવ્યો હતો. અભિષેક પટેલ નદીમાં ડૂબતા સ્થાનિક તરવૈયાએ તેને નદીમાંથી બહાર કાઢ્યો હતો. વિદ્યાર્થીને તાત્કાલિક સારવાર અર્થે સાવલી આરોગ્ય કેન્દ્ર ખસેડાતા ત્યાં ફરજ પર હાજર તબીબોએ તેને મૃત જાહેર કર્યો હતો. મૃતક વિદ્યાર્થી અભિષેક પટેલ મૂળ ગોધરાનો રહેવાસી હતો. તથા તે MSUમાં કોમર્સ ફેકલ્ટીમાં અભ્યાસ કરતો હતો. વિદ્યાર્થીના અચાનક મોતથી પરીવાર તેમજ મિત્રોમાં શોકનો માહોલ જોવા મળ્યો છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
