VIRAL VIDEO : ફરી એકવાર રાજકોટના(Rajkot) મવડી મેઈન રોડ (Mavdi Main road) પર મારામારીનો વીડિયો વાયરલ થયો છે.વાહનની સાઈડ કાપવા બાબતે બેથી ત્રણ શખ્સોએ એક યુવકને માર માર્યો હતો.વીડિયોમાં (VIDEO) જોઈ શકાય છે કે, એક કાર ચાલક સાથે કેટલાક લોકો બોલાચાલી કરી રહ્યા છે. ત્યારબાદ કાર ચાલક પર બેથી ત્રણ યુવકો હુમલો કરે છે. જો કે, આ વીડિયો ક્યારનો છે તે જાણી શકાયુ નથી. હાલ વીડિયો અંગે પોલીસે (Rajkot Police) તપાસ શરૂ કરી છે.
રાજકોટ શહેરમાં અસામાજીક તત્વોનો આંતક દિવસે-દિવસે વધતો જોવા મળી રહ્યો છે.આ પહેલા પણ શહેરના યુનિવર્સિટીની બાજુમાં આવેલા મુંજકા ગામમાં આ પ્રકારની ઘટના સામે આવી હતી.શહેરના યુનિવર્સિટી પોલીસ સ્ટેશન (University police station) વિસ્તારમાં જાહેરમાં એક યુવકને માર મારવામાં આવતો હોવાનો વીડિયો વાયરલ થયો હતો. જો કે યુનિવર્સિટી પોલીસે ગણતરીની કલાકોમાં બે જેટલા આરોપીઓની ધરપકડ કરી કાયદેસરની કાર્યવાહી હાથ ધરી હતી.તમને જણાવી દઈએ કે, ધરપકડ કરવામાં આવેલા બંને આરોપીઓ ગુનાહિત ઇતિહાસ ધરાવતા હોવાનું સામે આવ્યું છે. માહિતી મુજબ આ બંને આરોપીઓ મુંજકા ગામ(Munjka Village)ના જ રહેવાસી હતા.