રાજકોટ : લઠ્ઠાકાંડ વચ્ચે પણ દારૂની પાર્ટી ! એક પોલીસકર્મી પણ સામેલ, 6 શખ્સોની અટકાયત
દારૂ પાર્ટીનો વીડિયો સામે આવ્યા બાદ પોલીસ (Rajkot Police) પણ દોડતી થઈ છે અને દારૂની મહેફિલમાં સામેલ 6 લોકોની પોલીસે (Rajkot police) અટકાયત કરી છે.
ગુજરાતમાં (Gujarat) દારૂબંધી છે, પરંતુ દારૂબંધીના નિયમો નેવે મૂકતી અનેક ઘટનાઓ સામે આવી રહી છે, ત્યારે રાજકોટમાં (Rajkot) બંધ ઓફિસમાં દારૂ પાર્ટી થતી હોવાનો વીડિયો (viral Video) સામે આવ્યો હતો.જેમાં કેટલાક લોકો ઓફિસમાં દારૂની મહેફિલ માણી રહ્યા છે.એટલું જ નહીં દારૂના નશામાં ચૂર થઈને ફિલ્મી ગીતો પર ઠુમકા પણ લગાવી રહ્યા છે.વીડિયો સામે આવ્યા બાદ પોલીસ પણ દોડતી થઈ છે અને દારૂની મહેફિલમાં સામેલ 6 લોકોની પોલીસે (Rajkot police) અટકાયત કરી છે.
Over 6 cops detained for enjoying liquor party in #Rajkot police station #Gujarat #TV9News pic.twitter.com/vjUMncdFcS
— Tv9 Gujarati (@tv9gujarati) July 29, 2022
દારૂના નશામાં ધૂત યુવાનોના ફિલ્મી ગીતો પર ઠુમકા
ઝડપાયેલા લોકોમાંથી એક પોલીસકર્મી પણ સામેલ હોવાનું સામે આવ્યું છે.પોલીસ કોન્સ્ટેબલ વીરા ચાવડા દારૂ પાર્ટીમાં સામેલ હતા.વીરા ચાવડા પોલીસ હેડક્વાર્ટરમાં ફરજ બજાવે છે.પોલીસ પાસેથી જાણવા મળ્યું કે, મયુર ચાવડા (mayir chavda) નામના શખ્સની ઓફિસમાં આ દારૂ પાર્ટી યોજાઈ હતી.જેમાં 14 જેટલા લોકો સામેલ હતા.પોલીસનું કહેવું છે અત્યાર સુધીમાં 6 લોકોની અટકાયત કરવામાં આવી છે.જ્યારે અન્ય લોકોની પણ ટૂંક સમયમાં અટકાયત કરવામાં આવશે.
બોટાદ લઠ્ઠાકાંડ (Botad Latthakand) બાદ ઉંઘતી પોલીસ સફાળી જાગી છે અને ઠેર ઠેર દરોડા પાડી રહી છે. ત્યારે ફરી એકવાર દારૂની મહેફિલનો વીડિયો વાયરલ થયો છે. વાયરલ વીડિયોમાં આપ જોઇ શકો છો કે કેટલાક યુવાનો બંધ ઓફિસમાં દારૂની મહેફિલ માણી રહ્યાં છે. એટલું જ નહીં દારૂના નશામાં ધૂત યુવાનો ફિલ્મી ગીતો પર ઠુમકા પણ લગાવી રહ્યાં છે.