હિંમતનગર એપીએમસી આગળ વહેલી સવારથી જ ખેડૂતો લાંબી કતારો જમાવી રહ્યા છે. સપ્તાહની શરુઆતની સવારે જ ખેડૂતોની લાંબી કતારો જોવા મળી રહી છે. હિંમતનગ માર્કેટયાર્ડ બહાર પણ મોટી સંખ્યામાં ખેડૂતોના વાહનો ખડકાયેલા નજર આવી રહ્યા હતા. હોળીના તહેવારો પહેલા જ ખેડૂતો પોતાની ખેતપેદાશોને વેચવા માટે માર્કેટયાર્ડમાં ઉમટી પડ્યા છે.
ખેડૂતો, રવિ સિઝનની ખેત પેદાશોને વેચવા માટે માર્કેટયાર્ડમાં મોટી સંખ્યામાં ઉમટી રહ્યા છે. જેમાં ઘઉં, ચણા, મકાઇ અને દિવેલા સહિતના પાકને વેચવા માટે ખેડૂતો ઉમટી રહ્યા છે. બજારમાં હાલમાં ખેત પેદાશના ભાવ પણ સારા મળતા હોવાને લઈ ખેડૂતોના ચહેરા ખુશહાલ જોવા મળી રહ્યા છે.
Published On - 6:56 pm, Mon, 18 March 24