SURAT : સુરત જિલ્લામાં ફૂડ પોઈઝનિંગની ઘટના સામે આવી છે. સુરતના બારડોલી અને પલસાણા ગામમાં ફૂડ પોઈઝનિંગની ઘટના ઘટી છે.ગામોમાં શેરડીના પડાવમાં રહેતા મજૂરોને ફૂડ પોઇઝનિંગની અસર થઇ છે. છેલ્લા ત્રણ દિવસથી મજૂરોને ઝાડા-ઉલ્ટી થતી હોવાની ફરિયાદ છે. 3 નાના બાળકો , 8 જેટલા પુરુષ અને મહિલાઓને ઝાડા-ઉલ્ટીની અસર થઇ છે. તમામને બારડોલી તેમજ ચલઠાણ ખાતે ખાનગી હોસ્પિટલમાં ખસેડવામાં આવ્યાં છે.
બારડોલીમાં આ પહેલા પણ ફૂડ પોઈઝનિંગની ઘટના સામે આવી ચુકી છે. સુરતના બારડોલીની સરદાર હોસ્પિટલમાં દર્દીના સગાઓને ફૂડ પોઇઝનિંગ થયું હતું. 18થી વધુ લોકોને ખોરાકી ઝેરની અસર થઇ હતી. હોસ્પિટલમાંથી આપવામાં આવેલા ભોજન બાદ તમામને આ અસર પહોંચી હતી. આ અસરગ્રસ્તોમાં એક બાળકનો પણ સમાવેશ થયો હતો, જે ફુડપોઇઝનિંગને લીધે જ બિમાર હતો અને તેનું ઓપરેશન હતું. તેને પણ ખોરાકી ઝેરની અસર થતાં તેનું ઓપરેશન લંબાવાયુ હતું.
આ પણ વાંચો : જાણો શિક્ષણક્ષેત્રમાંથી રાજકારણમાં આવેલા ઊંઝાના MLA આશાબેન પટેલની જીવન ઝરમર