Surendranagar: ‘એસટી અમારી, સલામત સવારી’ સરકારી બસના આ સૂત્રનો છેદ ઉડાડતી બસ સુરેન્દ્રનગરના વિરમગામ રૂટ પર જોવા મળી છે. લખતર બસ સ્ટેશનથી ઉપડતી એક બસની સ્થિતિ એવી છે જે આ સૂત્રનો છેદ ઉડાડી રહી છે. મહત્વનું છે કે સલામતીના લીરે લીરા ઉડાવતો આ વીડિયો એક જાગૃત મુસાફર દ્વારા ઉતારવામાં આવ્યો છે. જેમાં જોઈ શકાય છે કે બસનું તળિયું તૂટી ગયું છે અને લોકો મુસાફરી કરી રહ્યા છે.
આ પણ વાંચો : સુરેન્દ્રનગર રિવરફ્રન્ટ પર પોલીસ પર પથ્થરમારો, DySP સહિતના સ્ટાફની હાજરીમાં બની ઘટના
એસ.ટી વિભાગ દ્વારા આ બસના તૂટેલા તળિયા પર પાટીયા અને પતરા મુકીને તેને ઢાંકવાનો પ્રયાસ કરવામાં આવ્યો છે. પરંતુ જો ભૂલથી પણ આ પતરા પર કોઈ મુસાફરનો પગ પડી જાય તો મુસાફર અકસ્માતનો ભોગ બને તેવી પ્રબળ શક્યતાઓ રહેલી છે. આ અંગે લખતર એસટી બસ સ્ટેન્ડ ખાતે આવતા મુસાફરોએ કંટક્ટરને રજૂઆત તો કરી છે પણ આ રજૂઆત ક્યારે રંગ લાવે છે તે જોવું રહ્યું. આ બેદરકારીનો ભોગ જો કોઈ મુસાફર બનશે તો તેનું જવાબદાર કોણ રહેશે તેને લઈ લોકો સવાલો ઉઠાવી રહ્યા છે.
સુરેન્દ્રનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો