અમદાવાદમાં (Ahmedabad) આવેલુ પરિમલ ગાર્ડન (Parimal Garden) હવે નવા રંગરુપ સાથે લોકોને જોવા મળશે. અમદાવાદ શહેરને સૌથી વધુ ઓક્સિજન આપનાર અને 60 વર્ષ જૂના એવા પરિમલ ગાર્ડનને હવે નવા રંગરૂપ અને અત્યાધુનિક સુવિધાઓ (facilities) સાથે સજ્જ બનાવાયુ છે. પરિમલ ગાર્ડનની એન્ટ્રીથી લઇને તેમાં બેસવાની સુવિધા સુધીની અનેક વસ્તુઓમાં બદલાવ કરવામાં આવ્યો છે. હવે જાહેર જનતા માટે આ સુવિધા સાથે ગાર્ડનને ખુલ્લું મુકવામાં આવ્યુ છે. અંદાજે 12 કરોડના ખર્ચે પરિમલ ગાર્ડનમાં નવો પ્રાણ ફૂંકવામાં આવ્યો છે
પરિમલ ગાર્ડનમાં ઓપન જીમ હોય કે ઇન્ડોર જીમ તમામને અત્યાધુનિક સાધનો સાથે સજ્જ કરાયુ છે. મહિલાઓ અને પુરુષો માટે અલગ અલગ જીમ રાખવામાં આવ્યા છે. શૌચાલય માટે પણ ગાર્ડનમાં સારી વ્યવસ્થા કરવામાં આવી છે. ગાર્ડનનો નેચરલ લૂક જળવાઈ રહે એવી રીતે ડિઝાઇન કરાયું છે. તેમજ ગાર્ડનમાં બેસવાની વ્યવસ્થા અને ફાઉન્ટેન તેમજ ગાર્ડનની ડિઝાઇન મનને ગમી જાય એવી છે. ચિલ્ડ્રન પ્લે એરિયા પણ અલગથી બનાવવામાં આવ્યો છે.
અમદાવાદ શહેરમાં 250થી વધુ નાનાં-મોટાં ગાર્ડન આવેલાં છે, પરંતુ પરિમલ ગાર્ડન સૌથી વધુ આકર્ષણ ધરાવતું ગાર્ડન બની રહેશે. ત્યારે પરિમલ ગાર્ડનની સુવિધાઓ પર નજર કરીએ તો અહીં 8 લોન પ્લોટ બનાવાયા છે. તેમજ 1 એમ્ફિથિએટર ક્રિકેટ-વોલિબોલ માટે બેરિકેટેડ સ્પોર્ટઝોન, બે માળનું હાઈટેક જિમ્નેશિયમ, આ સાથે પરિમલ ગાર્ડન શહેરનું સૌથી પહેલું સરકારી જિમ બિલ્ડિંગ સાથેનું ગાર્ડન બની ગયું છે. ગાર્ડનમાં યોગા પેવેલિયન, આકર્ષક સિટિંગ, 1 ચબૂતરો, બે ફાઉન્ટેન જોવા મળશે. પેટ ડોગ માટે પણ સ્પેશિયલ સ્પેશ મળશે. બાળકો માટે પ્લે ગ્રાઉન્ડ, નેચર કોર્નર તેમજ પતંગિયાનો બગીયો પણ અમદાવાદીઓને અનેરો આનંદ આપશે.
(વીથ ઇનપુટ- સચિન પાટીલ, અમદાવાદ)