સાબરકાંઠામાં વહેલી સવારથી વરસાદી માહોલ જામ્યો છે. હિંમતનગર, તલોદ અને પ્રાંતિજમાં સવારથી ધીમી ધારે વરસાદ વરસ્યો છે. વહેલી સવારથી જ વરસાદી માહોલ જામવાને લઈ ખેડૂતોમાં આનંદ વર્તાયો છે. સાબરકાંઠા જિલ્લાના અનેક ગ્રામ્ય વિસ્તારોમાં પણ વહેલી સવારથી વરસાદ વરસતા રાહત સર્જાઈ હતી.
આ પહેલી રવિવારે સાંજે પણ જિલ્લામાં અનેક વિસ્તારોમાં વરસાદ વરસ્યો હતો.ખાસ કરીને ઈડરમાં બે કલાકમાં જ બે ઈંચ વરસાદ વરસ્યો હતો. ઈડરમાં 54 મીમી કરતા વધુ વરસાદ સોમવારે સવાર સુધીમાં અંતિમ 24 કલાક દરમિયાન વરસ્યો હતો. જ્યારે તલોદમાં અડધો ઈંચ વરસાદ ખાબક્યો હતો. આ ઉપરાંત વિજયનગર અને વડાલીમાં પણ વરસાદ નોંધાયો હતો.