રાજ્યોમાં અવારનવાર નશાકારક પદાર્થ ઝડપાતા રહેતા હોય છે. ત્યારે દાહોદમાં ફરી એક વાર દારુનો જથ્થો ઝડપાયો છે. દાહોદમાં દારૂની હેરાફેરી માટે બુટલેગરનો નવો કીમિયો સામે આવ્યો છે. દાહોદના કતવારા નજીકથી પશુદાણની આડમાં દારૂની હેરાફેરી થતી હોવાની ઝડપાયું છે. LCBએ 24 લાખથી વધુની કિંમતનો દારૂ જપ્ત કર્યો છે. મળતી માહિતી અનુસાર મધ્યપ્રદેશથી ટ્રકમાં દારૂ લાવી રહ્યા હતા. LCBએ 24 લાખના મુદ્દામાલ સાથે 6 શખ્સને ઝડપાયા હતા.
બીજી તરફ આ અગાઉ અમદાવાદમાં અનેક વિસ્તારોમાં સ્ટેટ મોનિટરિંગ સેલ એટલે કે SMC દ્વારા તપાસનો ધમધમાટ બોલાવવામાં આવ્યો હતો. SMCની ટીમે ઓઢવ, નિકોલ, વાડજ, સોલા, ચાંદલોડિયા અને કૃષ્ણનગર વિસ્તારમાં દરોડા પાડ્યા હતા. જેમાં દેશી અને વિદેશી દારૂનો મોટો જથ્થો જપ્ત કરવામાં આવ્યો છે. ચાંદલોડિયામાં રેલવેના છાપરામાં રેડ પાડીને 8ની ધરપકડ કરવામાં આવી હતી.