Monsoon 2022: 17મી જુલાઈ સુધી ભારેથી અતિભારે વરસાદની સંભાવના, NDRF અને SDRFની 36 ટીમો કરાઈ તૈનાત

રાજ્યમાં મેઘો કહેર વર્તાવી રહ્યો છે. ત્યારે આગામી પાંચ દિવસ સુધી રાજ્યમાં મેઘ તાંડવ યથાવત રહેશે. રાજ્યમાં આગામી 17 જુલાઈ દરમિયાન સૌરાષ્ટ્ર-કચ્છ તથા દક્ષિણ ગુજરાતમાં ભારેથી અતિભારે વરસાદ (Heavy rain) ૫ડવાની સંભાવના છે. કચ્છ, દેવભૂમીદ્વારકા, જામનગર,રાજકોટ, મોરબી, છોટાઉદેપુર, ભરૂચ, નર્મદા, સુરત, તાપી,ડાંગ, નવસારી અને વલસાડ જિલ્લામાં ભારેથી અતિભારે વરસાદની આગાહી વ્યક્ત કરવામાં આવી છે. આ નિચાણવાળા વિસ્તારોમાંથી આગોતરું સ્થળાંતર કરવા માટે વહીવટીતંત્રને જરૂરી સૂચનાઓ આપી દેવામાં આવી છે. આ જિલ્લાઓમાંથી ઉંચાણવાળા વિસ્તારમાં સ્થળાંતરની કામગીરી કરવામાં આવશે. રાજયમાં NDRF અને SDRFની 18-18 ટીમ તૈનાત કરાઈ છે. રાજ્યમાં કુલ 18 જળાશય હાઈ એલર્ટ અને 8 જળાશયો એલર્ટ પર છે.

SDRFની કુલ 18 પ્લાટુન તૈનાત

રાજ્યમાં વરસાદની સ્થિતિમાં વહીવટી તંત્ર, NDRF અને SDRFની ટીમો દ્વારા કરવામાં આવી રહેલી રાહત  કામગીરીની પ્રશંસા કરતાં તેમણે કહ્યું હતુ કે રાજયમાં ભારે વરસાદની સ્થિતિને પહોંચી વળવા અમરેલી-1 , બનાસકાંઠા-1 ,ભરૂચ-1,ભાવનગર-1 ,દેવભૂમી દ્વારકા-1 ,ગીરસોમનાથ-1 ,જામનગર-1 ,જુનાગઢ-1 ,કચ્છ-1 ,નર્મદા-1 ,નવસારી-2,રાજકોટ-1 ,સુરત-1 અને તાપીમાં-1 એમ NDRFની કુલ -18 ટીમો તહેનાત કરવામાં આવી છે. જ્યારે ભારે વરસાદના કારણે છોટા ઉદેપુર-1 ,નર્મદા-1 , આણંદ-1 ,ભરૂચ-2 , છોટાઉદેપુર-1 , ડાંગ-1 , ગીરસોમનાથ-2 ,જામનગર-1, ખેડા-2 ,મોરબી-1 ,નર્મદા-1 ,પાટણ-1 ,પોરબંદર-1 ,સુરેન્દ્રનગર-2 ,તાપી-1 આમ SDRFની કુલ 18 પ્લાટુન તૈનાત કરવામાં આવી છે.