Kheda : ફરી એક વિધર્મીએ પરિણીતાને આત્મહત્યા કરવા મજબૂર કરી છે. ખેડાના મહેમદાબાદમાં જ્યાં પરિણીતાએ વિધર્મી યુવાનના ત્રાસથી ગળાફાંસો ખાઈ આપઘાત કર્યો છે. વિધર્મી યુવક મૃતકને કોલ કરી બ્લેકમેલ કરી પૈસાની માંગણી કરતો હતો અને રૂપિયા ન આપે તો તેના પતિને મારી નાંખવાની ધમકી આપતો હતો.
આ પણ વાંચો : Kheda : નડિયાદ અમદાવાદ રેલવે ટ્રેક પરથી માલગાડીનો એક ડબ્બો ઉતરી જતાં અકસ્માત સર્જાયો, જુઓ Video
આ આરોપ મૃતકે સુસાઈડ નોટમાં લગાવ્યો છે. 5 મહિના પહેલા વિધર્મીએ છેડતી કરી હતી. ત્યારબાદથી તે સતત વોટ્સએપ કોલ, મેસેજ કરી હેરાન કરતો હતો. મૃતક પરિણીતાના ભાઈએ તોસીફખાન પઠાણ નામના શખ્સ વિરુદ્ધ ફરિયાદ નોંધાવી છે.
તો બીજી તરફ આ અગાઉ સુરતમાં પણ વિધર્મી યુવકના કારસ્તાનો કિસ્સો સામે આવ્યો હતો. સોશિયલ મીડિયાના વધતા પ્રભાવ અને ઈન્ટરનેટ પર થતી ખરીદીને લઈને આજકાલ હોમ ડિલિવરીનું પ્રમાણ ખાસું વધી ગયું છે. ત્યારે હોમ ડિલિવરી કરવા આવનારાથી સાવધાન રહેવું પડે તેવો કિસ્સો સુરતમાં સામે આવ્યો છે. જેમાં એક યુવતીએ કંઈક સામાન મગાવ્યો હોય છે. જોકે હોમ ડિલિવરી કરવા આવનારાએ યુવતીની એકલતાનો લાભ લઈને છેડતી કરવાનો પ્રયાસ કર્યો હતો. જો કે આસપાસના લોકોએ આ યુવકને મેથીપાક ચખાડ્યો હતો.
ખેડા સહિત ગુજરાતના તમામ જિલ્લાના સમાચાર વાંચવા માટે જોડાયેલા રહો