તમે ખતરનાક સ્ટંટવાળી ઘણી રીલ જોઈ હશે. પરંતુ શું તમે ક્યારેય બે થાર કારને દરિયામાં ડૂબતી જોઈ છે ? આવી જ એક ઘટના કચ્છમાં સામે આવી છે. મુંદ્રાના દરિયાકાંઠે યુવકોને સ્ટંટ કરવો ભારે પડ્યો છે. રીલ બનાવવા માટે દરિયામાં થાર ઉતારી હતી અને થોડી જ વારમાં તેમની કાર ડૂબવા લાગી. તેમણે કાર પાછી કાઢવા ઘણા પ્રયાસ કર્યા, પરંતુ તેને સફળતા ન મળી.
બાદમાં સ્થાનિક લોકોએ બંને યુવકોના જીવ બચાવ્યા હતા અને તેમના વાહનો પણ બહાર કાઢ્યા હતા. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે. પોલીસે આ મામલે કાર્યવાહી હાથ ધરી છે. બંને યુવકો સામે ફરિયાદ નોંધવામાં આવી છે. તો પોલીસે બંને થાર કાર કબજે કરી છે.