Patan News: ટ્રાફિકના નિયમોનું પાલન કરાવતી પોલીસની ગંભીર બેદરકારી સામે આવી છે. પાટણમાં આવેલી નીમા કોલેજ પાસે પૂર ઝડપે આવતી એક પોલીસ જીપે જોરદાર અકસ્માત સર્જ્યો. ઘટના સવારના સાડા 9 વાગ્યે બની હતી. અકસ્માતમાં એક યુવક પણ ગંભીર રીતે ઇજાગ્રસ્ત થયો છે. ત્યારે અકસ્માત સર્જ્યા બાદ જીપમાં સવાર ત્રણ પોલીસકર્મી ફરાર થઇ ગયા હોવાનું સામે આવ્યું છે.
મહત્વનું છે, અગમ્ય કારણોસર પોલીસ જીપના ચાલકે કાબૂ ગુમાવ્યો હતો. જે બાદ ડિવાઇડર અને તેની રેલિંગ સાથે ટક્કર થઇ ગઇ અને એક યુવક પણ અડફેટે આવી ગયો. ઘટના બાદ સ્થળ પર લોકોનું ટોળું જમા થઇ ગયું. જો કે ઘટનામાં પોલીસની જીપના આગળના ભાગનો કચ્ચરઘાણ નીકળી ગયો. તેમજ ડિવાઇડર અને રેલિંગને પણ નુકસાન થયું.
આ પણ વાંચો : Patan: ઉત્તર ગુજરાત યુનિવર્સિટી કેમ્પસમાંથી દારુની બોટલો મળવાનો મામલો, NSUI એ દેખાવો કર્યા, જુઓ Video
તો ઇજાગ્રસ્ત થયેલા યુવકના પરિજનો અને ગ્રામજનોમાં રોષ વ્યાપ્યો છે. મહત્વનું છે, પોલીસે સ્થળ પર પહોંચીને વધુ કાર્યવાહી હાથ ધરી છે. ત્યારે બેદરકાર પોલીસકર્મીઓ સામે કાર્યવાહી કરવામાં આવે તેવી લોકોની માગ છે. અકસ્માતમાં ઇજાગ્રસ્ત થયેલ યુવક હાલ સારવાર હેઠળ છે.