નર્મદા ડેમ (Narmada dam) દેશભક્તિના રંગે રંગાયો છે. નર્મદા ડેમને ત્રિરંગા (Indian flag) રોશનીથી શણગારવામાં આવ્યો છે. ડેમની બંને બાજુના દરવાજા પર કેસરી અને લીલા રંગની લાઈટો ઝળહળી રહી છે. જ્યારે ડેમના મધ્ય ભાગમાં પાણીનો શ્વેત રંગ જોવા મળી રહ્યા છે. આમ પાણી અને લાઈટિંગથી (lighting) નિર્મિત આ ત્રિરંગો અદભૂત લાગી રહ્યો છે. તો બીજી તરફ તાપીના (tapi) ઉકાઈ ડ઼ેમને પણ ત્રિરંગા રોશનીથી સજાવવામાં આવ્યો હતો.
ઉપરાંત તાપીના ઉચ્છલ તાલુકાના સેલુડ ગામે આઝાદી કા અમૃત મહોત્સવની (Azadi Amrit mahotsav) રંગેચંગે ઉજવણી કરવામાં આવી છે. સેલુડ ગામે તાપી નદીમાં આવેલા ટાપુ પર તિરંગો લહેરાવાયો.વન વિભાગે હર ઘર તિરંગા (har ghar tiranga) અભિયાન અંતર્ગત ચાલી રહેલા કાર્યક્રમ અંતર્ગત ટાપુ પર રાષ્ટ્રીય ધ્વજ ફરકાવ્યો હતો. ઉકાઈ ડેમના કેચમેન્ટ વિસ્તારમાં આ ટાપુ આવેલો છે. વન વિભાગની ટીમ અહીં પહોંચી હતી અને તિરંગો લહેરાવ્યો હતો. ઉકાઈ ડેમના કેચમેન્ટ વિસ્તારમાં તાપી નદીમાં નૌકા તિરંગા યાત્રા યોજાઈ. જેમાં નૌકા હરીફાઈનું પણ આયોજન કરાયું હતું.
આ ત્રિરંગા યાત્રામાં જિલ્લાના અલગ અલગ ગામોના માછીમારોએ ભાગ લીધો હતો. નૌકા ત્રિરંગા યાત્રામાં (tiranga yatra) સાંસદ પ્રભુ વસાવા, કલેકટર સહિતના સ્થાનિક આગેવાનો હાજર રહ્યા હતા. નૌકા તિરંગા યાત્રા જોવા મોટી સંખ્યાામાં લોકો ઉમટી પડયા હતા.