Vadodara : રાજ્યમાં અવારનવાર અકસ્માતની ઘટના સામે આવતી હોય છે. થોડા દિવસ અગાઉ જ અમદાવાદના ઈસ્કોન અકસ્માતમાં નબીરાએ 9 લોકોના જીવ લીધા હતા. ત્યારે ફરી એક વાર વડોદરામાં અકસ્માત સામે આવ્યો છે. વડોદરાના ભાયલીમાં બેફામ ટેમ્પો ચાલકે અકસ્માત સર્જતા એક અઢી વર્ષના બાળકનું મોત થયું છે.
આ પણ વાંચો : Vadodara : ખુલ્લી ડ્રેનેજમાં પડ્યો યુવક, રાહદારીઓએ જહેમત ઉઠાવી યુવકને બહાર કાઢ્યો, જુઓ Video
સમયસર સારવાર ન મળવાને કારણે બાળકનું મોત થયાનો આરોપ છે. બનાવની વાત કરીએ તો અઢી વર્ષનું બાળક અને તેના પિતા બાઇક પર ઘરે જઇ રહ્યાં હતા. તે દરમિયાન બેફામ ટેમ્પો ચાલકને કારણે અકસ્માત થયો હતો. જેથી બાઇક પરથી બાળક નીચે પટકાયું હતું. મૃતક બાળકના પિતાનો આક્ષેપ છે કે અમે તાત્કાલિક હોસ્પિટલ પહોંચ્યાં હતા. પરંતુ સમયસર સારવાર ન મળતા તેનું મોત થયું. તો બીજી તરફ પોલીસે ટેમ્પો ચાલક સામે ગુનો નોંધી આગળની કાર્યવાહી હાથ ધરી છે.
Published On - 8:25 am, Mon, 31 July 23