બનાસકાંઠા જિલ્લામાંથી ગેરકાયદેસર યૂરિયા ખાતરનો જથ્થો ઝડપાયો છે. કાંકરેજ તાલુકાના ઉણ નજીકથી LCBની ટીમે એક ટ્રકમાંથી આ જથ્થાને ઝડપી લીધો છે. LCBની ટીમ દ્વારા એક ટ્રકને રોક્યો હતો અને તેની તલાશી લેતા તેમાંથી આ જથ્થો મળી આવ્યો હતો. ટીમને બાતમી મળી હતી અને જેને લઈ પાંજરાપોળ વિસ્તારમાં આ ટ્રકને રોકવામાં આવી હતી.
થરાથી રાધનપુર આ જથ્થો લઈ જવામાં આવી રહ્યો હતો. એ દરમિયાન તેને ઝડપી લેવામાં આવ્યો હતો. ટ્રકમાં 300 જેટલી યૂરિયા ખાતરની બોરીઓ ભરેલી હતી. 5.44 લાખના યૂરિયા ખાતરના જથ્થાને જપ્ત કરીને પોલીસે વધુ તપાસ હાથ ધરી છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 3:12 pm, Sun, 21 July 24