હર ઘર તિરંગા અભિયાન (Har Ghar Tiranga) અંતર્ગત રાજકોટમાં સૌથી મોટો તિરંગો (indian Flag) લહેરાયો. શહેરના 150 ફૂટ રિંગ રોડ પર આવેલા સૌથી ઉંચી બિલ્ડીંગ સિલ્વર હાઇટ્સમાં (Silver Heights) 250ફૂટ ઉંચો અને 25 ફૂટ પહોળો તિરંગો લગાડવામાં આવ્યો. સોસાયટીના સભ્યોએ વિશાળ તિરંગો લગાવતા લોકો જોઇ આશ્ચર્યચકિત થઇ ગયા હતા. એક તરફ સૌથી ઉંચી બિલ્ડીંગ તો આકર્ષણનું કેન્દ્ર છે, ત્યારે સૌથી મોટા તિરંગાએ પણ આકર્ષણ જમાવ્યું છે. સિલ્વર હાઇટ્સના પ્રમુખ મુકેશ શેઠે (mukesh seth) કહ્યું, હર ઘર તિરંગા અભિયાન અંતર્ગત આ તિરંગો લગાડવામાં આવ્યો છે.સાથે જ લોકોમાં રાષ્ટ્રભક્તિનો સંદેશો મળે તે હેતુથી આ તિરંગો લગાડયો છે.
બોટાદના (Botad) સુપ્રસિદ્ધ સાળંગપુર હનુમાનજી મંદિરે તિરંગાનું વિતરણ કરાયું હતું. સાથે જ સાળંગપુર હનુમાનજીના દર્શનાર્થે બોલીવુડ ફિલ્મ સ્ટાર નિલ નીતિન મુકેશ (Neil Nitin Mukesh)સહપરિવાર આવી પહોંચ્યા હતા. વિશ્વ હિન્દુ પરિષદના કાર્યકરો દ્વારા 75 ફૂટ ના તિરંગા સાથે મંદિરની પ્રદક્ષિણા કરવામાં આવી હતી.તમને જણાવી દઈએ કે, કાર્યક્રમમાં ગઢડાના ધારાસભ્ય આત્મારામ પરમાર સહિતના અધિકારી-પદાધિકારીઓ રહ્યા ખાસ હાજર હતા.