બંગાળની ખાડી અને અરબી સમુદ્રમાંથી આવી રહેલા ભેજના કારણે આજે શનિવારે રાજ્યના વાતાવરણમાં આવે તેવી શક્યતા છે. તો હવામાન વિભાગની આગાહી અનુસાર આજથી સાબરકાંઠા, અમદાવાદ, આણંદ,બનાસકાંઠા, પાટણ, ભરૂચ, સુરત, ડાંગ, નવસારી, દાદરાનગર હવેલી, સુરેન્દ્રનગર, અમરેલી, ભાવનગર, વલસાડ, દમણ, અને બોટાદમાં ગાજવીજ સાથે હળવો વરસાદ પડે તેવી સંભાવના છે.રવિવારની વાત કરીએ, તો દાહોદ અને છોટાઉદેપુરમાં ભારે વરસાદ પડવાની સંભાવના છે.
આ સાથે અન્ય કેટલાક વિસ્તારોમાં હળવો વરસાદ પડે તેવી સંભાવના છે. જ્યારે આગામી સોમવારે ડાંગ, નવસારી, વલસાડ, તાપી, દમણ અને દાદરા નગરહવેલીમાં હળવા વરસાદ વરસે તેવી સંભાવના છે.આ ઉપરાંત અમદાવાદ સહિત ઉત્તર ગુજરાતમાં બનાસકાંઠા, પાટણ અને સાબરકાંઠામાં હળવો વરસાદ વરસે તેવી સંભાવના છે.આ સિવાય મધ્ય ગુજરાતમાં આણંદ અને ભરૂચ તેમજ દક્ષિણ ગુજરાતમાં વરસાદી માહોલ રહેશે.
હવામાન વિભાગની આગાહી અનુસાર આજે શનિવારે અમદવાદ, બનાસકાંઠા, છોટાઉદેપુર,કચ્છ,મહેસાણા સહિતના જિલ્લાઓમાં 32 ડિગ્રી તાપમાન રહે તેવી સંભાવના છે. તો આણંદ, બનાસકાંઠા, ગીર સોમનાથ, મોરબી, નર્મદા, રાજકોટ, સાબરકાંઠા, સુરત, સુરેન્દ્રનગર, વલસાડ સહિતના જિલ્લાઓમાં 35 ડિગ્રી તાપમાન રહે તેવી શક્યતા છે. તો અરવલ્લી, ભરુચ, દાહોદ,ખેડા, મહીસાગર,પંચમહાલ,પાટણ, પોરબંદર સહિતના જિલ્લાઓમાં 33 ડિગ્રી તાપમાન રહે તેવી સંભાવના છે.
Published On - 8:58 am, Sat, 25 November 23