ગુજરાતનું હવામાન : રાજ્યના અનેક જિલ્લાઓમાં ન્યૂનતમ તાપમાન 23 ડિગ્રી રહે તેવી સંભાવના, જુઓ વીડિયો

હવામાન વિભાગની આગાહી અનુસાર આજે ગુરુવારે રાજ્યમાં સૂકુ વાતાવરણ રહે તેવી સંભાવના છે. જો કે કેટલાક વિસ્તારોમાં ભેજવાળુ વાતાવરણ હોવાના કારણે વાદળછાયું વાતાવરણ રહે તેવી સંભાવના છે. આજે દિવસ દરમિયાન તાપમાન 30 થી 38 ડિગ્રી મોટા ભાગના જિલ્લાઓમાં રહે તેવી સંભાવના છે. તો આજથી મોટા ભાગના વિસ્તારોમાં 20 ડિગ્રીની આસપાસ તાપમાન રહેશે.

જો કે આગામી દિવસોમાં 1 ડિગ્રીનો વધારો કે ઘટાડો થઈ શકે છે. આજે અમદાવાદ, આણંદ, અરવલ્લી,બનાસકાંઠા, છોટા ઉદેપુર,ગાંધીનગર, ખેડા, મહીસાગર, મહેસાણા,પાટણ, સાબરકાંઠા સહિતના જિલ્લાઓમાં 21 ડિગ્રી ન્યૂનતમ તાપમાન રહે તેવી સંભાવના છે. તો બીજી તરફ આજે અમરેલી, બોટાદ, જુનાગઢ, મોરબી, રાજકોટ, સુરેન્દ્રનગર, તાપી સહિતના જિલ્લાઓમાં 23 ડિગ્રી ન્યૂનતમ તાપમાન રહે તેવી સંભાવના છે. તો સુરત, નવસારી, જામનગરમાં 24 ડિગ્રી ન્યૂનતમ તાપમાન રહે તેવી સંભાવના છે.

તો હવામાન વિભાગની આગાહી અનુસાર આજે દિવસ દરમિયાન અમદાવાદ,આણંદ, ભાવનગર, ડાંગ, ખેડા, પંચમહાલ,પોરબંદર સહિતના જિલ્લાઓમાં 35 ડિગ્રી તાપમાન રહે તેવી શક્યતાઓ છે. તો આ તરફ આજે ભરુચ, જામનગર,નવસારી, નર્મદા, તાપી, વલસાડ સહિતના જિલ્લાઓમાં 36 ડિગ્રી તાપમાન રહે તેવી સંભાવના વ્યક્ત કરી છે.