ગુજરાતમાં(Gujarat)ગાંધીનગરમાં(Gandhinagar)ભાજપના પ્રદેશ કાર્યાલય કમલમમાં (Kamlam) આપના (AAP) નેતાઓ કેવી રીતે ધસી આવ્યા તેના સીસીટીવી( CCTV)ફૂટેજ પણ સામે આવ્યા છે. તો બીજી તરફ ભાજપની મહિલા કાર્યકરોએ ઈસુદાન ગઢવી પર છેડતી અને નશામાં હોવાનો આરોપ લગાવ્યો છે.
રાજ્યમાં આજે પેપર લીક મુદ્દે રાજકારણ ગરમાયું છે.. ગાંધીનગર સ્થિત ભાજપના કાર્યાલય કમલમ પર રાજકીય તમાશો જોવા મળ્યો.. આમ આદમી પાર્ટીના નેતા ઈસુદાન ગઢવી અને ગોપાલ ઈટાલિયા કાર્યકરો સાથે કમલમમાં ધસી જઈને ધરણા પર બેસી ગયા.
આ ધરણા દરમિયાન આમ આદમી પાર્ટી અને ભાજપના નેતાઓ વચ્ચે ઘર્ષણ થતાં ત્યાં પોલીસ દોડી આવી.. સ્થિતિને કાબૂમાં લેવા પોલીસે લાઠીચાર્જ કર્યો.. જેમાં AAPના કેટલાક નેતાઓ અને કાર્યકરો ઈજાગ્રસ્ત થયા છે. પોલીસે ઈસુદાન ગઢવી અને ગોપાલ ઈટાલિયા સહિત AAPના કાર્યકરોની અટકાયત કરી છે.
ભાજપની મહિલા કાર્યકરોનો આરોપ છે કે ઈસુદાન નશાની હાલતમાં હતા અને તેમણે તેમની છેડતી કરી છે. ભાજપની મહિલા કાર્યકરોએ આ બાબતે પોલીસને અરજી આપી છે. હવે ઈસુદાન ગઢવીને મેડિકલ ટેસ્ટ માટે સિવિલ હોસ્પિટલમાં લઈ જવામાં આવશે.
કમલમ ખાતે ભાજપ અને AAP કાર્યકરો વચ્ચે ઘર્ષણ થયું હતું. બંને પાર્ટીના કાર્યકરો વચ્ચે થયેલી ઝપાઝપીમાં ભાજપના મહિલા કાર્યકરો શ્રદ્ધા ઝા અને શ્રદ્ધા રાજપૂતના શરીર પર નિશાન થઇ ગયા છે. આ બંને મહિલા કાર્યકરોએ તેમની સાથે ઝપાઝપી કરવામાં આવી હોવાનો દાવો કર્યો છે.
આ પણ વાંચો: ગુજરાતમાં પેપર લીક મુદ્દે ડીજીપી આશિષ ભાટિયાએ મહત્વનું નિવેદન આપ્યું
Published On - 6:24 pm, Mon, 20 December 21