Surat: સુરતમાં BRTS બસ ચાલકે બસ રોગ સાઈડમાં હાંકરતા ભારે હોબાળો થયો હતો. લોકોએ બસ ચાલકને પકડી પાડ્યો હતો. આ સમગ્ર ઘટનાનો વીડિયો પણ વાયરલ થયો છે. જેમાં લોકો બસ ચાલક પીધેલો હોવાનો પણ આક્ષેપ કરી રહ્યા છે.
સુરતમાં એક વીડિયો વાયરલ થયો છે. જેમાં લોકો BRTS બસ ચાલકનો ઉધડો લઈ રહ્યા છે. વાયરલ વીડિયો પ્રમાણે બસ ચાલકે બસ રોંગમાં પુરપાટ ઝડપે ચલાવી હતી. જેથી લોકોએ તેનો પીછો કરીને બસને અટકાવી હતી. આ દરમ્યાન બસમાં મુસાફરો પણ સવાર હતા.
વીડીયોમાં લોકો બસ ચાલક પીધેલ હોવાનું પણ જણાવી રહ્યા છે, તેમજ એક વ્યક્તિ બસ ચાલકને પકડતા તે બસમાંથી નીચે પટકાયો હતો. ભારે હોબાળો થયા બાદ બસમાં સવાર બાળકો અને મહિલા સહિતના મુસાફરો તાત્કાલિક બસમાંથી નીચે ઉતરી ગયા હતા. લોકો કહી રહ્યા છે કે બસ ચાલકે બેફામ બસ હંકારી હતી અને રોંગ સાઈડમાં પણ ચલાવી હતી. આ સમગ્ર હોબાળો થયા બાદ ત્યાં હાજર લોકોએ તેનો વીડિયો પણ ઉતારી લીધો હતો. આ વીડિયો હાલમાં સોશિયલ મિડીયામાં વાયરલ થયો છે.
આ પણ વાંચો : Surat Video : સુરતમાં બીમારીમાં સપડાયેલા વધુ 2 વ્યક્તિના મોત, અત્યાર સુધી રોગચાળાએ 20 લોકોનો ભોગ લીધો
મહત્વનું છે કે સુરતમાં સીટી બસની અડફેટે અકસ્માતના બનાવો પણ સામે આવી ચુક્યા છે અને સીટી બસ ચાલકો બેફામ બસ હાંકરતા હોવાની ફરિયાદો પણ ઉઠી છે ત્યારે વધુ એક વખત એક સીટી બસ ચાલકે રોંગ સાઈડમાં બસ હાંકરતા લોકોંએ તેને પકડીને ઉધડો લીધો હોવાનો વીડિયો સામે આવતા ચકચાર મચી જવા પામી છે.