હવામાન વિભાગના વૈજ્ઞાનિક રામાશ્રય યાદવના જણાવ્યા મુજબ આગામી દિવસોમાં રાજ્યમાં મોસમનો બેવડો માર પડશે. એક તરફ વરસાદ અને બીજી તરફ હિટવેવની શક્યતા છે. દાહોદ, પંચમહાલ, છોટાઉદેપુર, કચ્છ અને મહિસાગરમાં હળવો વરસાદની થવાની શક્યતા છે. જ્યારે સૌરાષ્ટ્ર રિજિયનમાં ગીરસોમનાથ, દીવ, અને પોરબંદરમાં હિટવેવની શક્યતા છે. રાજકોટમાં સૌથી વધુ 40.3 ડિગ્રી તાપમાન નોંધાયુ છે.
હવામાન વિભાગના જણાવ્યા અનુસાર આગામી દિવસોમાં તાપમાનનો વધારો થશે. કેટલાક શહેરોમાં તાપમાનનો 40 પારો 40 ડિગ્રીથી ઉપર જવાની સંભાવના છે.
આ તરફ હવામાન નિષ્ણાંત અંબાલાલ પટેલે પણ રાજ્યના વાતાવરણમાં પલટો આવવાની આગાહી કરી છે. હોળીના સમયે રાજ્યના વાતાવરણમાં પલટો જોવા મળશે. હોળીથી એપ્રિલ સુધી પવનનું જોર વધશે અને કેરીના પાકને નુકસાનની ભીતિ સેવાઈ છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો