ઇડર અને વડાલી વિસ્તારના આકાશમાં શુક્રવારે સતત મર્યાદીત ઉંચાઇએ એક જ ગતિએ ચાર્ટર પ્લેન ઉડી રહ્યુ હતુ. વિમાન કડિયાદરા, ચોટાસણ અને ચોરીવાડ સહિતના વિસ્તારોમાં બપોર દરમિયાન સતત ઉડી રહ્યુ હતુ. સતત વિમાનની ગરગરાટીને લઈ સ્થાનિક લોકોમાં પણ આશ્ચર્ય સર્જાયુ હતુ. જેને લઈ આ મામલે સ્થાનિક ખેડૂતોએ પોલીસને જાણ કરી હતી. જેથી પોલીસની ટીમ પણ વિસ્તારમાં દોડી આવી હતી. ત્યાર બાદ આ વિમાન અંગેની વિગતો મેળવવા માટે પ્રયાસ શરુ કરવામાં આવ્યો હતો.
જે અંગેની વિગતો સામે આવતા રાહત સર્જાઇ હતી કે, કેમ આ ચાર્ટર પ્લેન સાબરકાંઠાના આકાશમાં સતત ઉડાઉડ કરી રહ્યુ છે. જિલ્લા તંત્ર દ્વારા વિગતો સામે આવી હતી કે, ચાર્ટર પ્લેન દ્વારા જીઓલોજીકલ સર્વે હાથ ધરાયો છે. જે માટે મહેસાણા અને માંડવીથી ચાર્ટર પ્લેન સર્વે કરવા માટે ટેક ઓફ અને લેન્ડીંગ કરે છે. જે ગત 7 ફેબ્રુઆરીથી આ પ્રકારનુ સર્વે ચાર્ટર પ્લેન મારફતે કેન્દ્ર સરકાર દ્વારા હાથ ધરવામાં આવ્યુ છે. જે સર્વે 30 મે સુધી ચાલનાર છે.
Published On - 9:21 am, Sat, 24 February 24