GMC ની ચૂંટણી ફરી કરાવવાની માંગ સાથે કોંગ્રેસના ઉમેદવારનો BJP પર આક્ષેપ, ધારાસભ્ય સી જે ચાવડાએ કહી આ વાત

ગાંધીનગર મનપાની કુલ 44 બેઠકોમાં કોંગ્રેસને 2 બેઠક મળી છે. ત્યારે ગાંધીનગર માનપાની ચૂંટણી ફરી કરાવવા માટે કોંગ્રેસના ઉમેદવાર અને સમર્થકોએ માંગ કરી છે.

ગાંધીનગર મનપાની ચૂંટણીના પરિણામ આવી ગયા છે. જેમાં ભાજપે જંગી બહુમતીથી વિજય મેળવ્યો છે. ગાંધીનગર મનપાની કુલ 44 બેઠકોમાં 41 બેઠક પર ભાજપે જીત મેળવી છે. જયારે કોંગ્રેસને 2 અને આપ પક્ષને 1 બેઠક મળી છે. ત્યારે ગાંધીનગર માનપાની ચૂંટણી ફરી કરાવવા માટે કોંગ્રેસના ઉમેદવાર અને સમર્થકોએ માંગ કરી છે. માંગ સાથે EVM માં ચેડાં કરાયા હોવાના આક્ષેપ પણ મુકવામાં આવી રહ્યા છે. આ માંગ સાથે કોંગ્રેસી ઉમેદવારો અને તેમના સમર્થકો ધારાસભ્ય સી જે ચાવડાને રજૂઆત કરવા પહોંચ્યા હતા.

ગાંધીનગરની ચૂંટણીના પરિણામ બાદ રજૂઆત કરવા આવેલા કોંગ્રેસના ઉમેદવારોની રજૂઆત સી જે ચાવડાએ સાંભળી હતી. આ બાદ સી જે ચાવડાએ કહ્યું કે, ‘મનપાના પ્રત્યેક વોર્ડમાંથી લોકોનું સમર્થન લઇને એફિડેવિટ કરાવીશું અને આ પરિણામને હાઇકોર્ટમાં પડકારીશું’.

જાહેર છે કે ગાંધીનગરમાં ભાજપને પહેલીવાર સ્પષ્ટ બહુમતિ મળી છે. એટલું જ નહીં પાટનગરની 44 પૈકી 41 બેઠકો પર કેસરિયો લહેરાયો છે. જેમાં 11 પૈકી 8 વોર્ડમાં ભાજપની આખી પેનલ જીતી છે. ભાજપને ગત ચૂંટણી કરતા બમણાથી વધુ બેઠક મળી છે. ત્યારે કોંગ્રેસનો આક્ષેપ છે કે EVM માં ચેડાં કરવામાં આવ્યા છે.

 

આ પણ વાંચો: અરવલ્લીની ભિલોડા તા.પં.ની ઉબસલ બેઠક પેટા ચૂંટણીમાં AAPની જીત, અપક્ષ પાસેથી બેઠક છિનવી

આ પણ વાંચો: Election Results 2021: ભાજપની અભૂતપૂર્વ જીત પર જેપી નડ્ડાની ટ્વિટ, ગુજરાતના લોકોનો માન્યો આભાર

Click on your DTH Provider to Add TV9 Gujarati