ખંભાત બેઠક પરથી ભાજપ પ્રમુખ સીઆર પાટીલે મોટુ નિવેદન આપ્યુ છે. સીઆર પાટીલે જણાવ્યુ કે 156 બેઠક જીત્યા બાદ પણ મારુ દિલ રડી રહ્યુ છે. વિધાનસભાની 26 બેઠકો જીતવાનો મને આજે પણ રંજ છે. આ સાથે જ સીઆર પાટીલે જણાવ્યુ કે જ્યાં સુધી 182 બેઠક નહીં જીતુ ત્યાં સુધી હું હાર નહીં પહેરુ. ભાજપના પ્રદેશ પ્રમુખ સી આર પાટીલે કહ્યું કે 2027ની ચૂંટણીમાં હું પ્રદેશ પ્રમુખ નહીં હોઉ. તેમજ 2027માં 182 બેઠક જીતીશું, ત્યારે હું હાર પહેરીશ. ચિરાગ પટેલને દોઢ વર્ષમાં પોતાની ભૂલ સમજાઈ ગઈ છે. સીઆર પાટીલે ખંભાતના વિકાસની ખાતરી આપી છે.
આણંદમાં કોંગ્રેસના અનેક નાના- મોટા કાર્યકારોએ કેસરિયા કર્યા છે. સહકારી આગેવાનો અને સરપંચોએ પણ ભગવો ધારણ કર્યો છે. ભાજપ પ્રદેશ પ્રમુખ પાટીલની હાજરીમાં 2500થી વધુ નાના-મોટા કોંગ્રેસી કાર્યકરો ભાજપમાં જોડાયા છે. કોંગ્રેસના દિગ્ગજ નેતાઓની નજીકના લોકો ભાજપમાં જોડાયાનો દાવો કર્યો હોવાનું સામે આવ્યુ છે.