હિંમતનગરના વીરપુર ગામના દીપક પ્રજાપતિ શિક્ષિકા પત્નિને શનિવાર હોઇ વહેલી સવારની શાળા હોવાને લઈ મુકવા માટે ઇડર ગયા હતા. કાર લઈને ઇડર જઈને પરત ફરવા દરમિયાન રસ્તામાં નેત્રામલી નજીક અકસ્માત નડ્યો હતો. અજાણ્યા વાહનની અડફેટે કાર ચડતાં અકસ્માત સર્જાયો હતો. દીપક પ્રજાપતિની કાર આગળ જતા ટેમ્પોના પાછળના ભાગે ઘૂસી ગઈ હતી અને એકાએક જ આગમાં લપેટાઈ ગઈ હતી.
જોકે સદનસીબે કાર ચાલક બહાર નિકળી જવામાં સફળ રહેતા રાહત સર્જાઈ હતી. જોકે આગે આખીય કારને લપેટી લેતા સળગીને ખાખ થઈ ગઇ હતી. ઘટનાને પગલે ફાયર બ્રિગેડની ટીમ ઘટના સ્થળે દોડી આવી હતી અને આગને કાબૂમાં લીધી હતી. જોકે ત્યાં સુધીમાં કાર મોટે ભાગે સળગીને ખાક થઈ ચૂકી હતી.
Published On - 3:36 pm, Sat, 17 February 24