કચ્છ : અંજારમાં કેમો સ્ટીલ કંપનીના બોઇલરમાં બ્લાસ્ટ, 7 લોકોને ગંભીર ઇજા

કચ્છના અંજારના બૂઢારમોરામાં કેમો સ્ટીલ કંપનીમાં એક દુર્ઘટના સર્જાઈ છે. સ્ટીલ કંપનીની ભઠ્ઠી ઉભરાઇ જતા 7 લોકોને ગંભીર ઇજા પહોંચી છે. બોઇલરમાં બ્લાસ્ટ થયા બાદ સ્ટીલ ઓગળતા આ દુર્ઘટના સર્જાઈ હતી. ઈજાગ્રસ્ત 7 લોકોમાંથી 4 લોકોની હાલત વધુ ગંભીર હોવાથી અમદાવાદની હોસ્પિટલ ખસેડાયા છે.

તો અન્ય લોકોને સ્થાનિક હોસ્પિટલમાં સારવાર અપાઇ રહી છે. પોલીસે હાલ જાણવાજોગ ફરિયાદ નોંધીને તપાસ હાથ ધરી છે. તો અગાઉ પણ આ કંપનીમાં આવી દુર્ઘટના બની ચૂકી છે. ત્યારે આગામી સમયમાં આવી દુર્ઘટના ના સર્જાય તે માટે કંપની સામે જરૂરી પગલાં ભરવામાં આવે તે જરૂરી છે.

આ પણ વાંચો કચ્છ વીડિયો : કેશવાન ઉઠાંતરીમાં બે કર્મચારીઓની સંડોવણીનો ખુલાસો, 6 આરોપીની ધરપકડ